Tutan ah thawngpang kan rak komhsuatmi hi Thantlang Peng, Thau khua ah tukum chungah khuruahhar thil a cangmi kong a si. A voikhatnak a caan hi March 13/2020 ah cangmi a si i a voihnihnak a can hi September 21/2020 ah a si.

A voikhatnak a cangmi-Thau khua ah khuaruah har thil alang. Thantlang peng Thau khua ah Van in ceu nih achunh hna. Kan hnu lei te ah khan Thau khua mi cu biak inn sak hram an thok tiah thawng kan theih. Cu biak inn an sak nak ding caah tiin an pastor No cung nih thlacam nak aneih piak hna.

Biak inn tung phunnak caah ataanglei Lung an phah piak hna i cu tin cun rian hma an domh. Biak inn an van sa hna i an za te in an rian cio an van domh hna, khuami zong lungtho in an mah le an rian cio an van ṭuan hna.

Cu hnu tlawm pal te ah khin Van in Chuncha bantuk asi nai in a var dih mi araang pi in Ni ceu nak btk pi in an Biak inn tung bak ah avan chunh (avan kah) khua pi an za te in khuaruahhar ngai in an um tiah thawng theih asi.

Araang dih mi asi i Nii kaa bantuk asi caah ṭha te in an zoh hnu ah pathian nih akan theih pi ko tiah kan khuaruah a har na in kan lung ai lawm ṭhan tiah khua upa sin in thawng kan theih. Pathian nih thau khua biak inn thluachuah ko seh! Thiangthlarau in an sin ah Pathian ai lang ko tiah zumhnak kan nei cio. Chirhchan: Saisih Tlangau

A voihnihnak a cangmi-Thantlang peng, Thau khua ah a cang mi thil hi khuaruah har taktak a si. Laimi tampi, Chin mi tampi kan i ṭhencheu, kan i doh hna lio ah Saram nih an kan cawn piak ti khawh asi. Saram hmanh kan i daw cang, Chin miphun lungrual tein dir ti cang uh ti bantuk hmelchunhnak hna si hram sehlaw a ṭha tuk hnga.

Thantlang peng,Thau Khua ah zuu fa nih fano ngei chizawhpi hnuk a din i chizawh nih ṭha tein a zohkhen tiah September 20 ah theih a si. Kan theih bantuk in Chizawh le Zu cu aa ral taktak mi an si. Chizawh nih Zu a hmuh paoh ahcun a Seh hna, an sa a ei hna, a si nain tutan ahcun Chizawh nih Zu fate hnuk tha tein a dinh.

“Chizawhpi hi fano ngei a si.September 15(cawmni hnih )ah khan Pu Phir Cung te dum ah zuu fa cu an va tlaih i chizawh nih ei seh tiah chizawh sin ah cun an va chiah. Chizawh pi nih seh loin a fale he a hnuk tu a rak dinh. Zuu fa hi a hmul zong a corhpah cang,” tiah a mit in a hmu mi Thau khuami Pu Thla Bik nih The Hakha Post ah a chim.

Chizawh a ngeitu hna hi September 7, 2020 ah mual a kan liamtaak mi Thau khuahlun um Pu Lian Ci (Ral Za Thang pa) te chung an si tiah theih a si. Atangleiah a video kan chiah i ṭha tein zoh khawh a si. Khuaruahhar ngai a si ko. Credit: The Hakha Post

Note: Tukum kum hramthok lei March thla chungah Thantlang Peng, Thau khua ah khuaruahhar ngai thil a rak cang bal cang. Atu hi a voihnihnak a can a si cang.