A Mak Ko. Thil A Cang Mi A Theih Hlan Ah An Uico Nih A Theih I, Kal Aa Timhnak Wuhan Khuapi Kal Kho Lo Dingin in An Uico Nih A Kham:

Theihtlei

A Mak Ko. Thil A Cang Mi A Theih Hlan Ah An Uico Nih A Theih I, Kal Aa Timhnak Wuhan Khuapi Kal Kho Lo Dingin in An Uico Nih A Kham: Khuaruahhar taktak khi si. Taiwan nungak pakhat cu China, Wuhan khuapi tlawng dingin aa tim i, a herhmi passport zong felfai tein a tuah dih hnu ah a kalni thla lawng a hngak cang. Nikhat cu bazar a kal karlak ah a zuatmi Uico Kimi nih a passport cu a rak ttampiak dih.

Inn a rak lawi cu a passport a tlengmi le a zuatmi uico Kimi cu a hmuh hna. a thinhung tuk i, an zuatmi uico cu a hrochih len. Uico Kimi zong nih thiam lo ngaiin a pi cu a zoh ve. Cu tikah a facebook ah hi tin a a post. (Wuhan khuapi tlawng dingin ka timi cu ka tlawng kho tthan lai lo. Kan uico nih ka passport a ttam dih ruangah zeitindah ka tuah lai?) tiah a ttial.Image result for wuhan coronavirus

Mah hnu tlawmpal ah Wuhan Virus zawtnak ngeimi an karh chin chin ruangah Wuhan khuapi cu cozah nih an khar. Mah kawnglam cu a theih tikah an uico nih a passport a tak ttampiak mi a sullam cu aa fiang. A facebook ah cun a tanglei bantukin ca a post tthan.

Image result for wuhan coronavirus

“Ka passport a rawhnak konglam kha nan thei ko lo maw? Zawtnak ttha lo a chuahnak khuapi i tlawn kaa tim nain kan uico ruangah ka tlawng kho tthan lo. Hi kong hi ka ruah tikah ka khuaruahhar tuk,”tiah a ttial. Atu tiangah China ram Wuhan khuapi in a chuakmi Coronavirus hi vawleicung hmun tampi ah a phan cang i, hi zawtnak a tuartu minung 4300 leng an si cang i, a thimi zong minung 106 an si cang tiah theih asi.

Leave a Reply