KAWL CITE LE LAI CITE. (a ciocio ah kan ilo lo).Iodine ai tel lomi Kawl Cite nih hrombo a chuahpi i Iodine ai tel lomi Lai Cite nih a damh. Khahlan ah Hrombo hi an rak tam ngaingai. Cucu sizung lei nih Iodine ai tellomi Cite ei ruang ah a si ti in nihin tiang riantuantu nih dawrkip ah an vak i an chek peng rih. Kei zong Hnaring Cite tlang te cu kai put i Thantlang sizung ah ka va chekter hna. IODINE ai tello an ka ti diam ko.

CUTIN A SI AH. 1. Hlanchan in nihin tiang hrombo mi tampi nih Hnaring cite hang hi an rak thanpeng hnga? 2. Hlanlio hrombo a rak tamtuk lio ah Lautu ram khi an rak himdeuh hnga? Thantlang peng, Tlanglo khua ah ka kal tawn i an cite hla an phuahmi cu tulio an khuaboi pa nih khin a rak sak tawn.Kap Cung Nung le Newin min tiang ai tel.

Achuahnak Zilpici nel tiang kan rak kal i neh le nang hmuhawk cu a um ti lo. Hlan ah cun Lairam ah hin Falam le hmundang hna ah an rak chumhbal cio rua. NA IN, Lautu ram ah a chuakmi Cite kong hi cu tuanbia a si lo. Nihin tiang in chumh le zuarpeng a si ko ti kha.A duhmi hna sin ah thong kan thanh hna.

A THAWT LE NAM KONG AH:Meh le tihang ah na phulh ah cun Hingchohmungh paih khi a lo. Kan ngakchiat lio ah hin Cite khur kal kan i tim poh ah cun khuhlu kan kawl hmasa. Khuhlu kan van ei i Cite hang kan van i dinchih. Khin a thaw kan rak tituk. Sahrawm kan rak kal ah khin Hnaring Cite an phulh maw ti kan rak ngiar hmasat tawn.

Zaangfah te in hi kong ka tialmi hi kan lai Doctor te nih zapi ralrinnak le mipi theihherh tete comment nan kan pekcio nak lai zong kan nawlchih hna.Ka tarmi hmanthlak hi Lauturam,Leikang le Sate lei in an ka kuatmi cite hmanthlak a si. Credit: Lai Lungrawn (Sui Bawi)

Lai lungrawn nih comment a pek thanmi: Hnaring Cite le Leikang cite kong ah ai fiang lomi pawl sin lehnak. Lai cite,Leikang cite,Hnaring cite,Ruava cite an si dih ko. Na theih lomi cu Pupa chan ah cun Sate khua khi Hnaring ram a rak si i Hnaring ukmi a rak si.Sate minung khi Hnaring an si.

Cu caah tutiang ah khin Sate nih an chumhmi cite khi anmah rengreng nih Sate cite an ti bal lo. Hnaring cite or Paciypuo an ti.na theithiam cang maw? Culio Hnaring nih ukmi cite khur cu bawinu varal (tulio Sate) lei kap ah hmun 5 a rak um i Hnaring leikap ah Vuohlyi paciykhue kan ti i Hre Uk pa lei kam ah ni hin tiang a um. Hnaring ukmi hlanlio Hnaring cite khur ( 6) a rak um i hmunkhat ah hin an duhzat khur an rak co hna.

Leikang lei ah khin hmunkhat te a rak um ve i cu hmunkhat ah cun khur(3) an co ve. Chan ai thleng i Kawl cite man a fawituk cang caah zapi nih an chumh huam ti lo i Sate ah khurkhat cu inn tha te in an sak i nihin ni tiang an chumh ve. Cu caah khahlan pi in pengdang le tlangdang lei nih Hnaring Cite ti in an rak theih hmasat nak cu Hnaring ram ah khur tambik a rak chuak hmasa caah zapi nih Hnaring cite ti deuh in an rak auhnak a si. Cu caah Hnaring Cite ka rak ti le cangka comment a ka pekmi vialte hna nih Min ai bunhnak tuanbia te kha rak thei ve uh.