A Mak Hih! Tuchun Aung San Suu Kyi A Biachim Cu A Mak Ko Gambia Nih A Chim Duh Lomi Kong A Chimmi Cu Khuaruahhar Ngai A Si

World News

Gambia ram nih cun Kawlram an soiselnak (thangchiatnak) cu December 10 ah ICJ zung ah an chim dih cang. Cu kawlram chiatnak le soiselnak an chimmi cu tuni December 11 ahkhan Kawlram ruahnak cheutu Aung San Suu Kyi nih lehnak a vun tuah ve cang hna. ttha tein rak rel ve cun na ruahnak zong rak chm ve.

Suu Kyi nih a chimmi cu” ARSA lei nih buainak an chuahter hmasa deuh timi cu Gambia nih a biachimnak ah a chim rel chih duh lo. Gambia nih cun Rohingya miphun cu kawlram nih an cihmih dih a timh hna timi lawng a chim. Asinain 2016 kum ah ARSA minung 400 leng nih Rakhin ramkulh i palik zung hmunthum an doh hna i palik 9 le khuami minung 100 hrawng an thi. Cu ka thawk cun buai hi a thawkmi a si i ralkap lei nih biatak tein rian an rak ttuan. Maung Taw, Butitaung le Yatih tlang i buainak hna zong ARSA in a thawk hmasa mi a si i Pakistan le Afghanistan leiin hriamhrei bawmhnak an hmuh” tiah a bia hram a thawk.

Gambia lei nih an chuahpimi ah a telmi Kawlram nih Rohingya miphun an cihmih dih an timh lio hna ah mi tampi thah an tong i nu pawl tlaihhrem a tongmi zong an tam, cun an khua khangh piakmi le dawimi hna zong an tam tiah a chimnak ah a telh chih. Hi konghe pehtlaiin Aung San Suu Kyi nih cun Kawlram cu Bangladesh he ramri a si i, Maungtaw khua he fonhin Muslim pawl nih Kawlram a umnak hmun khuar an timh tiah a chim ve. Cun, 2017 kum August 25 ah ARSA pawl nih ramri palik zung 30 an kah i hmun 60 reng lo ah buainak a chuah phah tiah a chim chap fawn.

Image result for gambia ICJ

Cu tanah Suu Kyi nih cun a chim rihmi cu vanlawng hman a sinak cu mipi le ARSA pawl thleidan an si khawh lo ruangah a si riah a chim i hikong ah UNO i phunglam he aa khat/kalh lomi a um khawhnak le tapung le ralkap i kahnak ah mipi fak piin an tuar hrimhrim tiah a chim. Hibantuk Kawlrampi buainak cu ramdang zong nih theihthiampi dingin a nawl hna i phungning loin mipi cungah a cawlcangmi ralkap hna cu hremnak an pek peng ko hna timi zong a chim chap. Cun Rakhine ramkulh lawng hmanh ah si loin Kawlram chung hrimhrim ah minung covo lawnh in a cawlcangh lai lonak zong a chim.

Related image

Gambia ram nih Kawlram cozah cu ralkap kut tangah an um a timi kongah Suu Kyi nih cun 2008 kum i upadi pukmah 20 bangin ralkap nih an ngeihmi cungah zolong tein khuakhan khawhnak an ngei i phunghrampi cu remh dingin Hlutdaw ah an tawlrel dihnak kong a chim. Cuticun Gambia lei nih Kawlram sual an phawt dih hnuah Kawlram ai-awh in Suu kyi nih a leh cang hna i Gambia lamkaltu le Kawlram lamkaltu hna cu December 12 ah i el-nak an ngei tthan lai. Ref: BBC (BBC nih a zamhmi a fawi fiannak in kan lehmi a si caah adik lonak le kan palhnak tampi a um kho men nan theihthiamnak lai kan in nawl hna).

Leave a Reply