A Lungput Duh A Nung Tuk Mi Esther Chunmang Le Saduhthah: Myanmar Idol Season 4 hlasak zuamnak ah Top 5 tiangin a kai cangmi kan farnu Esther Dawh Chin Sung cu thawnglatu hna nih biahalnak an tuah tikah a chunmang saduhthah cu hi tin a chim. Tutan Myanmar Idol Season 4 zuamnak ah winner ka hmuh ahcun keimah si khawh tawk te le ka banh khawh tawk tein Chinram kulh chungah miharsa hna caah rian ttuan le bawmhchanhnak tuah ka tim,”tiah a chim.

Winner ka si ahcun Chinram kulh chungah fimthiamnak cacawn a duh ko nain ca a cawng kho lomi le pahrang (talent) thiamnak tampi a ngei ko nain chungkhar dirhmun ruangah zeihmanh tuah kho lo le cawng kho loin a um mi hna caah a ttha hnem mi si ka duh. Laitlang ahcun thiamnak pahrang tampi a ngei ko nain sifah ruangah zeihmanh tuah kho loin mi tampi kan um hna. Tutan zuamnak ah winner ka si ahcun thiamnak pahrang tampi a ngei mi zeihmanh a tuah kho lo mi hna miharsa hna caah bawmchantu si hi ka chunmang saduhthah si,”tiah a chim fawn.

Kan theih dih bantukin Esther hi Myanmar Idol Season 4 hlasak zuamnak ah Winner tiang hmanh a hmuh khawh te lai tiah ruahchan mi le zumh mi a sinain vote a hmuh tlawm ruangah bottom 3 ah voihnih a tthu cang. Cucaah a chunmang saduhthah a tlin khawhnak hnga thlacamnak le vote zongin thazaang chuah in dirpi cio hna usih.

Relchih: Chin miphun chungin hruaitu tampi abikin Biaknak hruaitu lei nih Gambia ram dohdalh in ICJ ah Kawlram Cozah dirkamhnak leiin an cawlcang ngai hna. A bu in, a organisation in thlacamnak le poster he aunak hna an tuah len. Khuaruahhar khi asi ko.

Kum 60 leng a lamkip in a kan namnehtu. Kan miphun tlau seh tiin a kan phihtu Kan ram a biter i, ramri a kan chuhtu. Kan biaknak hlohhlak aa timtu. Kan nunphung le caholh a thihtertu. Kan dawtmi chungkhar unau hna a that cuahmahtu. Kan farle a tlaihhremtu. Hmun zakip ah a kan vaihtertu Rampi sifak lakin a tuahtu

An dirpi ko cu khuaruahhar asi. Daw Suh hi zungzal a nung lai lo, a liam hnu ah ngaichih awk a ttha ti lai lo. Ralbawi pawl ICC le ICJ ah chuahpi ding hi kum caan saupi Tlangcungmi tel in Kawlmi tampi zong an rak izuammi asi. Nain dirhkamhtu ram le ICJ ah a chuahpitu ram an rak um lo.

Atu bantuk Gambia ram nih Rohingya kongah ICJ ah a phakpi hi, vanthat tiin caan tha ah ilak in, Rohingya lawng an silo, Tlangcungmi dihlak kum 70 chung genocide a kan tuahtu Cozah asi tiin kan tanrual deuh ding khi asi. Revolution a tuah cuahmahmi miphun lebang nihcun Kawlram Cozah hi kan dirhkamh awk hrimhrim asilo. Credit: Ram Tinthei