Admin||04 Vaupi 27-2020|| WHO alungdong ngai cang, US sin ah nawlnak atuah tthan cang. World Health Organization WHO director general Tedros Adhanom Ghebreyesus nih atimi cu US nih WHO sin ah bawmhnak apek tawnmi adonghter mi hi i ruat tthan hna sehlaw ka duh ko e tiah lung nuam lo ngai in WHO hruaitu lutlai nih a chim. Cun WHO hna nih kan ruah bik mi cu vawlei cung ah atlungmi zawtnak tlangrai hna hi hloh le donghter ding le mipi hna nun chanhchuahnak ding hi biatak tein rian attuanmi asi ko tiah a chim chih. Hi bia cu Geneva ah an tuahmi News Conference ah WHO hruaitu lutlai nih a chimmi asi. nih WHO ah bawmhchanhnak atuah mi adonghter mi hi ruat tthan hna sehlaw, WHO rianttuannak konglam ah biatak tein thazaang chuah tthan ding le bawmhchanh or dirkamhnak atuah tthan ding hi ruahchannak ka ngei ko tiah a chim chih. WHO ah chawva apek tawnmi zong hi US nih investment biapi taktak atuahmi asi zong an theih ko lai tiah ka zumh.Hi thil nih hin ramdang mi hna lawng a bawmhmi hna asi lo. US himnak ding ca zongah thil a biapi taktak mi asi tiah a chim.Coronavirus zawtnak tlangrai hi a dong kho rih lai lo. Hi zawtnak cu ram tthenkhat hna nih an kham khawh tiah ruah cuahmah lio ah zawtnak akarh than i, Africa ah siseh America zongah an karh cuahmah tiah achim chih.Coronavirus zawtnak hrik achuahnak saram hi theih hrimhrim ahaumi asi. Hi konglam dottletnak tuah dingah hin WHO zong UN, Food and Agricultur Organization (FAO) le World Organization for Animal Health ttuanpi dingin timhcia te in um asi ko tiah WHO emergency expert Dr Mike Ryan nih a chim ve. Hi konghe pehtlaiin Tuluk cozah nih 30 million bawmhnak atuah lai. Tuluk Foreign Ministry thanhnak atuahtu Huan Chunying nih atimi cu Coronavirus zawtnak hrik khamnak caah Tuluk nih WHO sin ah US tangka in 30 million apek lai tiah thanhnak atuah. Hi bawmhnak tangka cu developing country siseh ngandamnak lei tthawnter nak caah hman asi lai tiah achim chih. Tuluk nih WHO sin ah hin kan hnu thla ah khan 20 million bawmhnak arak pek cang.