Aung la N Sang he pehtlai in Media nih thil sining thei tunglo in nan ttial mi kan hmuh leng mang caah a kong tlawmpal ka van ttial.

A mah hi khrih fa a si. SDA asi. A pa hi Kachin Lawban mi rum a si i Baptist a si. A hringtu a nu hi kei mah he Bible sianginn a kai tti mi kan si i a nau nu zong a kai ve mi a si. A nu lei in a pi le a pu zong Seventh-day Adventist khrhfabu an si. Bible sianginn kai kai lim in an umnak Myitkyina khua ah ka posting a si i 1980 in 1981 chung ka member an si.

A nu lei chungkhar hi SDA ah a tu tiang kan i bochan mi zumtu ttha an si. A nu nih Myitkyina Tatkone ah Biak i inn dawh lianpi Aung La a chuah hrawng ah hin a kan sa piak i A pi le pu umnak Myitkyina Mangkhring ah Biakinn lian pi le ttha tak mi 2017 ah khan an kan sakpiak tthan. Cu caah a pi le pu hna hi rulbia mi innchung kha an si hrim lo. An chungkhar sahlawh rualcha hna hi bu ah rianttuan tu Dr. tiangin an um i khrihfa zumhtlak innchungkhar an si hna.

Myanmar Lim ti in a min a lar nak hi mi nih an thluk i an tang a um bu ah zei tin anti khawh hlei lo i Limpi bang a ngerh hna i a donghnak ah a tai tthiam tawnnak tu khi ai chuan khan mi a si. A tak kha tthatein zoh law rul tattoo a um lo zong na hmuh ko lai.

 

A chuakka in ni hin ni tiang hringtu anu nih Pathian bia in a cawm mi fapa a si i, Aventist lifestyle in a ummi a si. Ei din sumnak lei hmanhah kan tluklo mi pa a si. Cun Yangon a phak fate Yangon Central Church of SDA ah ai pum zungzal mi a si. Cucaah Aung La N Sang hi khrihfa a si le si lo kongah rak buai ti hlah uh. Hi pin lei nan theih duhmi a um ah cun a tanglei address ah van ka hal uh. Pr Jolly Lian Tem: SDA Mission. 1234 Anawrahta Rd. 45 Ward North Dagon Township Yangon Myanmar.

 

Credit: Jollylian