Dawt mi Chin unau hna holhtheih lo hi miraang nih new tongues, other tongues, different tongues, unknow tongues, tiah a phun phun in a hman. LAI aa ti mi unau hna LAI holh in cun holhtheihlo, le holh dang ti in phun 2 in hman a si ve. Aho hmanh nih an fiang lo, tiah Baibal nih a ti caah MINUNG NIH FIAN LO MI HOLH tinaak a si ko.

Thlarau thilpeek laksawng a si mi hi aho minung pakhat tak tak hmanh nih fian lo mi holh a si, i a um mi bak a si ko. A holhtu pa lila hmanh nih a fian lo mi holh a si, tiah ti khawh a si. zeiruangah? A chim mi cu hngalh lo mi thil a si. Thlarau in cam ahcun thinlung nih a cam lo, tiah Paul nih a ti. Amah a camtu amah le amah bomhnaak caah hman mi thlarau nih a camter mi, zu ( zajiu ) tha nih minung a mongh bantukin thlarau nih a camter mi a si. Holhtheih lo/fian lomi holh hi mizapi thazaang peeknaak caah hman mi le hman ding a si lo zia fiang tak tak in Paul nih a chim.

Baibal thiamsang hna nih pulpit cungin siseh, cabia in siseh an vun chim le ttial cio tikah hin a ttha ngai ngai ko, nain aho pakhat tak tak nan chim mi hmanh nih ka lung a hmui in a thawtter kho lo. Zeiruangah? Thuh mi le nawh mi le mahlei kam deuh ah merh le kuaih an hmang pah hna ruangah. Cun 100 ah 100 an chim thlu lo, nan lak mi a um, nan duhnak zawnte lawng chim le ttial nan hmang hna. Pakhat nu nih a ttial mi ah holhtheih lo ngeih lo le tinco lo ahcun Thlarau Thiang ngei lo ah a phi a chuah diam. (A dik bak lo mi a si.)

Thlarau ngeih hnu lawngah thlarau thilpaak laksawng hi ngeihco phung a si ko, nain Thlarau lawng ngei i thilpeek co loin um khawh a si. Thlarau Thiang hi zumtu Khrifa i hmelchunh kan identity a si, hmanhseh holhtheih lo hi cu kan identity a rak si lo. Vei pa nih a chim mi kha a khen bik, tiah ka ruah, nain holhtheih lo hi a um bak lo in a chim. Cun a dong cang, tiah a chim fawn. Cun online saya pa nih a chim mi hi a khen pah ko, nain a khengthlu dih deuh rua lo, tiah ka ruah.

1corin 14 hi caang khat te te in study tuah i a caang dihlak study ttha tak tak in tuah dih tikah a PHI a chuak kho mi a si ko. Ka cabia a sau tuk sual lai, Paul nih cun holhtheih lo hi THA A PEE lo. Cun mizapi caah hman ding a si lo zia le amah pumpaak caah bawmtu thil ttha a si zia a chim. Comment peetu le ttialtu pawl hi kan mawh pah lo, zeiruangah kan ti ahcun baibal i hunh lo le baibal rel setsai loin comment a ttialtu kan tam ti hi a lang kho ko.

Note: Nanmah tuukhal baibal thiamsang pawl hmanh nih pakhat le pakhat nan sermon hrilhfiah mi hmanh aa lawh lo chinchap ahcun ttia lo zaraan cu kan lo ko cang cu ta. LAI people kan cem, ti khi kan si cang ko. Nain kan rak cem tak tak ngai ve lem lo dahkhawi. Dawt mi Chin Khrifa unau hna kanmah te bakin baibal rel, i mahte bakin hrilhfiah i tim cang hna u sihlaw, cun thiamsang kan pale nih Pathian bia an chimphuan mi hi hrelh lo tein ngaih cikcek dingin i awt cang hna u sih, tiah kan sawm ko hna. Lunglawmhnaak nganpi he.

Credit: Thawng Ceu Bik Khenglawt