A farnu nih a upa an kah lai te an i chawnhnak kong fiang tein a chim dih-VIDEO

Chin News

Gilgal Baptist Khrihfabu chungtel, Taungphila ah ummi Salai Cung Lian Ceu kum (25) cu Kalaymyo, Taungphila March 17 lamzawhnak ah ralkap nih an kah i a nunnak a liam. Salai Cung Lian Ceu ruak cu tuni March 18 ah vui a si. Vuinak caan an hmannak a naunu biachim von ngaih (zoh) ah lungthin nih a celh hrim lo a ngaih a chia kho taktak. Cun, an vuinak video tawite zong kan chiah i zoh khawh a si.

Salai Cung Lian Ceu a farnu nih a ṭapa Salai Cung Lian Ceu a thi hlan te i an i chawnh biakning vialte cipciar tein a chim i ngaih a chia kho taktak. A chimmi cu,”Duhlonak lamzawh nakin kan tlik cuahmah lioah ka nu phone in a hun ka chawnh i ‘ralkap pawl an um ti ka theih ralrin i mu’tiah a ka ti i, ‘keizong nih cun aw tuzong kan tli/zaam cuahmah ka ti i a phone a thlak.

“Tlawmpal ahcun inn ah kan lut i ihnak khan an kan thuh. Cu cang ka cun, ka nu a siarem loin le lung nuam loin a um sual lai ka ti caah ka u cu ‘ Ka uu mi inn ah an thuh, na thin rak phang duh hlah, na siazong ka herh tuk hlah, tiin phone ah ca ka kuat.

“Cu tlawmpal ah ka nu nih cun, ‘ rak dong hlai maw’ a ka ti i, rak ra hrimrhim hlah, ṭih a nung tuk, siarem loin um hlah, rak ra hrimhrim hlah uh, ka ti i, elaw, elaw’ tiah a ka leh ve. Cucu kan i chawnhnak a donghnak bik cu a si. Cu hnu cun zeihmanh ka thei ti lo (a sining ka thei kho ti lo or kan i pehtlai kho ti lo). A konglam ( a thih thawng) zong kha mi nih an ka chimhchommi a si.

“Inn ka phak cu ka uu cu a ruak in a rak um cang. Ka u hi ka siang hrimhrim lo. Zeiruangah dah ka siang lo khun ka ti ahcun, a pumpeknak (ram le miphun caah) hi upat awk le ilawmh tuk ding cu ka si ko nain, a siang te ka siang hrimhrim lo,”tiah a naunu nih cun a ṭapa Salai Cung Lian Ceu a sianlonak le an konglam a chim hi a si.

Salai Cung Lian Ceu ruak cu tuni ah tlamtling tein vui a si cang. Ram le miphun caah pumpek in le nun thap in a cawlcanghmi zoh tikah upat awk tlak taktak a si. Mino a si rih tikah, minung lei sinak in cun sian a um hrimhrim lo. Tantaakmi chungkhar Bawipa tu nih an ngaihchiatnak hnem hram ko hna seh.

A naunu nih a nu he an i chawnhnak VIDEO a chimmi, video timi hi hmeh piak.

A ruak an vuinak VIDEO tawi. Video tiin kan ṭialmi khi hmeh piak law zoh khawh  si lai.

Leave a Reply