Mah Hi A Dik Ahcun Vice President Hi A Mawh Hrimhrim Lo Kan Ti Cio Maw? Tikir A le B nih Vice President cu vote 100% an pek lo caah an buai ti si. Tikir B nih 94.50% a hmuh i, Tikir A ah hin 89.90 a hmuh mah caah vice president cu a thinhung i mah ruangah khua mi nih 9.11.2020 zan ah khan an rem, an rem kho loh i a thaizing ah an va rem than an voksa zong a rim nam cang an ti..

Adong nak ah ngaih cu kan ngaih thiam hna asi. a sinain nan zia in kan zoh hna lai a ti ti si. Nan zia zoh chom ding in kan ngaihthiam hna ti cu zei dah si hnga?Mah kong zong ah hin khrihfa lei hruaitu le an khuabawi zong an lung a tling lo ti si. Tikir hi mifim khua Miphun caah bochan i mah khuanak in Chin Miphun ah ai pe Peng mi Khua zohchuntlak an sinak an langhter tu khi a si lo maw? Tikir uar an um chin tiah kei ka hmuh hna Ning a si, a dik Ko ahcun.. By Tin Duh Thang

Relchih: Vice President Na Si Ti Lai Maw Timi Ah A Bialehnak: Mipi tthawng in mee tampi ka hmuh i thimnak ah ka tling. Zeidang kong cu Pathian nawl si ko seh tiah a chim. Kum 2015 lio ah khan hi vice president dirhmun hi ka phan lai ti ka rak i ruat lo. Hlutraw palai si ding hmanh ka rak i ruat lo. Mipi le Pathian thawng hi dirhmun ka phan kho.

Vice president Henry Van Thio: Tukum kawlram thimnak ah mipi nih mee-vote nan ka peknak thawngin ka tling. Hmailei kong he pehtlaiin zeidang cu Pathian nawl tu si ko seh”tiah a chim. Hi kong he pehtlaiin Myanmar Vice president nih hi kong a chimnak a ruang cu “Tukum hi Myanmar Vice president na si ti lai maw?” tiin The Hakha Time Nih biahalnak an tuah lio ah a lehmi hna a si.

Myanmar Vice President Henry Van Thio cu NLD party in Thantlang peng Amyotha hlutraw ah ai cuh i mee-vote 11000 reng lo a hmuh. USDP in Pu Siang Lian Hmung le CNLD in Dr. Van Hmun Lian an pahnih mee-vote hmuh zat fonh in Henry Van Thio mee-vote hmuh mi an zat lo. Vice president Van Thio hi Thantlang peng nihcun an rak duh hrimhrim ko ti a fiang. Amah zong hi a fim i ai fit. Pathian ai bochan i, a tuahmi ah dingfel tein rian a ttuanmi a si. Vice President dirhmun zong kan peh piak kho rih sehlaw Chinmi caah a tthatuk lai.