Video: Esther Nu Le Pa Nih Kan Lai Holh Tein Mipi Sinah Lawmhnak Bia An Chim Mi Cu Lunghmui Kho Taktak. Myanmar Idol season 4 Top 5 zuamnak ah Esther Dawt Chin Sung hringtu nu le pa cu Yangon an rak phan kho. Esther cu aa nuamhtuk rualrual in lawmhnak mitthli a thla than. Esther a fa nih a chim mi cu ka fanu Esther hi Emotion deuh asi caah a feeling deuh caan ah mitthli tlak a hmang tawnmi asi” tiah Esther pa nih a fanu konglam cu a chim.

Esther a nu hi mi dam lo asi tikah a dam lo buin a fanu zawnruah ruangah Yangon a rak phan. Lunglawmhnak bia a chim lio ah a fanu Esther cu lunglawmhnak mitthli a tla. Esther nu le pa nih Lai holh le kawl holh in an i lawmhnak cu mipi sinah an langhter. A tanglei bik ah video zoh chih. Video

Relchih. Nizan zuamnak kongah Esther nih a chim mi. Nizan a hlasak mi kong he pehtlaiin Esther nih a chim mi cu mah tluk khan ka sak khawh mi kha keimah tuah khawh mi si loin Pathian um pi nak thawng le ka chungkhar hna nih an ka telpi nak thawngin asi,”tiah a chim.

Judge pawl zong nih nizan Esther Dawt Chin Sung hlasak mi kongah comment an pekmi cu, Pathian nih thluachuah an pekmi na aw zai hi nangmah zong nih ttha tein na kilven a herh tiah forhfialnak he thazaang cu an pek. Kan hmuh dih bantukin nizan Esther hlasak cu a thiam taktak khi si ko.