US Election a Buai Tuk Cang. Vote relnak hmun bak minung 2 nih luhhnawh an i tim, Palik nih an tlaih manh.US ram cu a buai cang ko. Vote an rel cuahmahnak Vote thlaknak hmun bak minung 2 nih sobul (hammer) he luh hnawh an i tim, asinain Palik nih an tlaih manh. Pennsylvania hi Trump le Biden caah veve ah a biapi tak takmi hmunhma a si. Pennsylvania State i Philadelphia khua Palik hna nih cun minung 2 hna nih Pennsylvania Convention Center i luhhnawh an i timh lio ah an tlaih manh.

Vote hi rel cuamah lio pi ah hi thil hi a van cang. Hi minung hna hi an thilri he Palik nih an tlaih manh hna. Philadelphia mipi hna nih hi hmun ah hin vote ceilak an thlak i vote an rel cuahmah. Philadelphia ah hin vote hi 84% an rel cang. 58,642 vote rel aa duh rih.

Atu tiang cu Trump nih hi hmun hma ah hin vote tam deuh a hmuh rih. Pennsylvania State dihlah ah 49.6% Trump nih a hmuh i Biden nih 49.3% biden nih a hmuh ve. Vote rel cangmi 95% a si cang. Cucaah hi State hi a biapi tak tak. Trump thazaang a petu maw an si Biden thazaang a petu dah an si ti langhter a si lo. Trump nih tutiang vote tam deuh a hmuhnak a si.

Trump caah Ruahchannak Nganpi a Um Rih.Thlacam lawng a hau cang. Zumtu hna cu a dongh lai te ah teinak an hmuh tawn ti a si. US President Trump caah ruahchannak a um rih ko. A dih rih hrim hrim lo. Trump nih Pennsylvenia, North Carolina, Georgia, Alaska a laak ahcun 268 a si lai. Trump nih atu tiang Vote an relmi ah hi state pawl ah hin tlawmpal tein a tei deuh rih hna.

Georgia ah Trump nih tlawmpal tein 0.2% in a hruai rih. 99% vote an rel cang. North Carolina ah vote 94% an rel cang i Trump nih 50.1% a si i Biden 48.7 % lawng a si ve. Alaska zong ah Trump Vote 50% rel mi ah Trump cu 50% a si i Biden hi 33.5 % lawng a si rih. Pennsylvenia ah vote 94% an rel cang i Trump nih 49.6% a hmuh cang i Biden nih 49.2% a hmuh ve.

Nevada hi atu lio ahcun a biapi ngaingai mi a si. Nevada ah 84% vote an rel cang i Biden tlawmte nih 1% zong tling deuh loin a tei rih. Trump nih Pennsylvenia, North Carolina, Georgia, Alaska a laak ahcun 268 a si lai. Nevada hi atu lio ahcun a biapi ngaingai mi a si. Nevada ah Biden tlawmte in a thawng deuh. Biden nih Nevada a laak ahcun 270 bak te a ngah lai i teinak a co lai. A ngah lo ahcun Trump nih tei khawh thiamthiam a si. (The Guardian). US President thimtu, Electoral college-ahhin vote 538 a um. Cucaah teitu si khawhnak ding ah Vote 270 hmuh a hau.

Electoral College an ngeih khawhmi zat hi state kip nih vote an neihmi zoh in sermi a si. Phun dangin chim ahcun mipi tam deuhnak paoh ElectoralCollege vote tam deuh an ngei ti khawh zong a si. Mipi nihhin President thimnak ding ah vote cu an thlak ve tthiam ko. Nain mipi vote, Popular vote tiah auhmi vote tam deuh a hmumi paoh kha President an tling tinak a si hlei lo. Mipi vote in a tammi zong kha President tlin lo khawh a si tthiamtthiam. 2016 ithimnak ahkhan Democrats Hillary Clinton cu zuamcawhtu Republican Party Donald Trump nakin popular vote ah tam deuh a hmu.

Nain Trump nih Electoral College ah vote tam deuh a hmuh ve caah US President caah thim a si. Phundang in kan chim ahcun Electoral College vote kha president thimtu taktak vote cu a si. Winner-takesall rule: State tam deuh ahcun winner-takes-all rule hman a si i, hi a sullam cu popular vote ah mark tambik a hmumi cu candidate caah State Electoral College vote pek viar an si.

State zeimawzat ahcun party a ṭhawng deuhmi kan theih khawh bang nain State cheukhat ahcun a ṭhawng dingmi, teitu si dingmi theih khawh a si ve hoi lo. A ruang cu Battleground state timi a um. Hi sate hna hi Swing state tiah auh an si. Democrats le Republicans an itei veve lengmang nak a si. Phun dang in kan chim ahcun khuachel ah Democrats nih a tei i, khuachel ah republican nih a tei ve. Cuti zungzal ṭanhmi party a ngei lomi State kha Swing state tiah auhmi cu an si. Source: Kawltunews