Nu le Va Pehtlaihnak (Thil hme tete) Part II: Tutan cu nupi le tuah dingmi tlawmpal in ka vun ttial lai.

1. Innchungkhar ah, va le kan thinlung a nuamh ter biktu biathli (secret) pakhat cu, nupi le mit hmaipanh tein an ummi, kan hmuh hna khi asi. Hihi abiapi ngai.

2. Na va kha, capo phunphai zongin siseh, zeitik caan hmanh ah, mizei pa he hmanh, tahchun hmang hrimhrim hlah. Hihi pa kip nih kan huatmi asi.

3. Inn na um caan siseh, leng na chuah caan zongah siseh, daithlaang pathlok in, thilhruk le um hmang hrimhrim hlah! Asi khawh chungin, thianghlim te le duhnung deuh tein, thilhruk le um i zuam zungzaal. Abikin, Lainu tampi cu, inn an um caan ahkhin, an daithlaang ngai hna. Hihi daithlaang bak hlah. Mah kha, na va nih (knowingly/unknowingly) in a rak in ngiat lengmang ko.

4. Asi khawh chungin, innchungkhar ah zai lo hraam i zuam. A tlokciar tukmi le zai a tthawng tukmi cu, mizei pa hmanh nih, rem an si lo.

5. Na vapa kha, nangmah ca-ah cun, vawleicung pa vialte lakah, pasal ttha bik (hero) bantuk ah zoh peng. (Eg. Voikhat cu, kan nu nih, aa ka timi cu: ka dawt, ka ca-ah cun, “hero” na si, aa ka ti. Ka lehmi cu, zeidah na duh, kan cawk piak lai, ka ti colh ve…hehe..). Asi khawh chungin, na va kha, zeitlukindah naa bochannak kha, langhter lengmang! Hi vial sirih sehlaw, ka pehtthan te lai.

Credit: Salai Van D Ceu