Tial Cung Thang hi a upa Aung La Sang nih USA in a rak zulh. Avoikhatnak MMA Yangon i a rak i thong zongah khan Tial Thang hi Aung La nih a rak zulh thiam thiam. A rak zulh bantukin teinak zong an rak hmuh. Tutan zongah Aung La a mui kan hmuh hi Laimi kan hna ngamtuk, kan ilawm tuk. Tial Cung Thang nih hin tutan raldohnak hmunah hin teinak ka hmuh ko lai,” tiah a ti. Aung La nih a chim.

Tial Cung Thang le Korea pa hi tuzarh cacawn ningani (Friday) December 6 ah Malaysia Kuala Lumpur khuapi ah an i phomh cang lai. A cunglei kong he pehtlaiin le a bikin Malay um na si cun rak tuah ve. Amah Tial Cung Thang thazaang na pek si pinah man lo (Free) tein MMA an i thonghnak hmun ah na zoh khawh fawn lai.

Tial Cung Thang: Malay a ka thuatnak aman loin tickets na duh ahcun ka page Tial “The Dragon Leg” Thang like and shares. Minung 30 thim nan si te lai. Ka dangdang um mi Laimi zong nih mah kan upa thazaang pek langhternak caah a page hi like and shares in bawm cio hna usih.

Relchih: USDP: Chin Ramkulh Mahte Uknak le Mahte Tawlrelnak Nawl Hmu Ding in Phunglam Kan Ser: Chin ramkulh nih mahte uknak nawl le mahte i tawlrelnak nawl a hmuh nakhnga i zuam ding in USDP nih phunglam “Mu-wa-da” pawl kan sermi an um hna, tiah Chin ramkulh USDP biachimtu Salai Khuai Yan nih a chim. Chin ramkulh USDP nih a chuahmi baihalnak video tawite ah a cunglei bang in Chin ramkulh USDP biachimtu nih a langhter hi a si.

Salai Khuai Yan nih, “Chin ramkulh chung ah a ummi le Chin ramkulh leng ah a ummi Chinmi vialte ca ah phunglam kan sermi hna an um ko. Chinram cu Chin miphun ta a si bantuk in Chinmi nih mahte uknak nawl le mahte i tawlrelnak nawl an hmuh nakhnga riantuan ding in phunglam pawl kan ser hna,” tiah a chim. “A pahnihnak ah, rammi pumpak pakhat cio nih an tinco awk a simi zalong tein khuasaknak, buaktlak tein covo ngeihnak le upadi hmai ah thleidannak um loin i ruannak timi rammi covo pawl Chinmi pumpak pakhat cio nih an tinco khawh nakhnga i zuam ding in phunglam pawl kan ser hna,” tiah a chim chap.

A pathumnak ah, Chin miphun pawl kan i fumtom khawh nakhnga USDP nih kan i zuam lai,” tiah a chim i, “A palinak ah, Chin miphun kan sinak “Identity” a tlau lo nakhnga le tthanchoter nakhnga fak khun in kan i zuam lai tiah phunglam pawl kan ser hna,” tiah Salai Khuai Yan nih a peh chap. Cun, a donghnak bik ah, chan tiluan a zuldawi khomi Chin mino pawl kan tunmer khawh nakhnga kan i zuam lai tiin phunglam pawl kan ser hna,” tiah a langhter. Atutan hi Chin ramkulh USDP nih Chinram le Chin miphun ca ah tuanchuah ding in aa timhtuahmi/aa zuam dingmi kong he pehtlai in phunglam an ngeihmi pawl a voi khatnak bik zapi theih in an langhter a si.

2020 thimnak ah USDP he aa zuamcawh bik dingmi Chin ramkulh NLD le CNLD belte nih Chinram le Chin miphun ca ah an ttuan dingmi/an i hmaithlak bik dingmi rian pawl le cu rian pawl ttuanchuah khawh an si nakhnga zei bantuk phunglam pawl dah an ngeih timi zapi theih in langhter a um rih lo. USDP. Cattialtu: Mai Daut Mawe Tal