A Bikin Laitlang Lei A Ummi Lainu Pawl Nih Thei U Ramthumnak A Ummi Pawl Zong Nan Si Ve Ko Khah

Lainu le Khaini: Lainu a lan i an rak sining nakin an thurhnawm duh cang. A nungmi Pathian a biami zong an lo ti lo. Pathian nih a duh lomi thil an duh chinchin. An nun fih a nung chinchin i, huat an tlai chinchin. An mi dawtnak Pathian caah an hmang lo, an aw thatnak Pathian caah an hmang lo, an tiamnak Pathian caah an hmang lo. Cun an thianhlimnak Pathian caah an ti lo.

Mi pakhat nih ka sinah ” Lainu le zei an ti na thei ma” a ka ti, keinih ka thei lo tiah ka leh. A ka chimhmi cu : Lainu le Khaini ” an ti e a ka ti. Cu hnu ah ” hmuh bal loin, Lainu le kawlnu hi zeitin na theih khawh hna lai” ak ti, keinih ka thei lo e ka ti.  A ka chimhmi cu ” Lainu cu khaini an hmawm lai, Kawlnu cu Khaini an hmawm lo” a ka ti tthan. Ka ruah tikah kei zong Kawlnu he aa kom lengmang ka si ve i, ka tuak tikah Kawlnu pawl ka hawi le khi ” Zukhnawm” an tong bak lo.

Cucaah mi tampi kan Lainu le hna kannih cu a nungmi Pathian a thiangmi asi i, kannih a mi zong hna zong tiang ve hna seh ti a kan duh (1Pet1:16, Lev 20:26). Pathian a zummi nih amah bantukin thinlung in siseh tuahsernak in siseh kan thian awk asi. Thaw a ngai lomi Pathian a biatu hmanh nih an thian khawh ahcun kannih chinchin cu kan thian hrimhrim awk asi. A tlawm bikah, zohchun awk ah kan tlak khawh nakhnga zukhnawm tal cu hrial ding asi. Lainu hna hi ca hna hmuh i na rel dih hnu cun Pathian caah na hmur kha sunparnak pe cang tiah thazang kan pek hna. Isaac Van Cung Nung

Biakilh: Hihi ahmanmi thil asi caah aho paoh nih hrial khawh i zuam hna usih. Lainu nan muinchiatnak hi thil nganpi khi a silem lo, hibantuk tete ahhin dakaw asi tawn cuh. Cucaah hihi i fahsak hlah uh! Kawlnu kan ttanh deuh ruangah asi hlei lo. Cucaah a chiatnak leiin lak loin a tthatnak leitu in kan lakpiak hram uh tiah kan in nawl duh fawn hna.