Benjamin sum: Keimah te in Rangoon ah ka kal ko. Khuaruahhar asi ko. A Fan’s an tam chin chin. Keimah lei harsatnak le zaang dernak chim ka duh mi asi lo. Tutan puai ‘Myanmar Idol’ ah a lar tak tak mi Benjamin Sum hi asi ning le zei bantuk dah arak si timi na thei ve cang maw? Pasal ttha taktak arak si.

Zuamnak ah timh cia te in ka lut cang, cucaah ka fans pawl zaang dernak le keimah lei ka san tleih lo nak tampi aum ko, chim reltuk ka duh lo. Pathian nawl tu si ko seh. Ka nu cu Cancer asi ka pa cu aka thih tak cang: asi nain kha vialte, ka harsatnak kha langhter ka duh lo. Ka fans pawl caah zaaang dernak asi pin ah keimah ca zong ah attha lo tiah ka ruah. pakhatnak ka hmuh ah cun keimah bantuk Ngak ttah bawmh ka duh ko hna tiah ati tthan.

Zuamnak cu a sung mi um phung a awng mi um phung asi ko. ka awng hrimhrim lai i, teinak ka hmuh hrim hrim lai ti ruah buu te in i zuam ding asi caah ralttha le hmai penh te in um peng ka duh. kai tim upat awk a tlak ngai ngai mi asi: zuamnak ti mi asullam zong ai fiang ngai ngai ti-a langh ter fawn. Ref: Saisih Tlangau

Relchih: KURD “KURDISH” MIPHUN: Chin miphun he kansi ning alawh ngai mi KURD miphun hna kong. Kan I ṭhenṭhek ning, Diasopra chin bantukin Dispora KURDISH an si ve. Ram kan ngei ning, Pennak kanrak ngeih ning,

Atu federal an duh ning, tbk in aalawh ngawt dih hna: Bible ah KURD miphun a langh ning le adang theitlei tete Gen10:2 -Medes: Media, From Madai, Japhet’s son tiah aum. Naoh fapa Jafet fale ansi a ti. Babilon Iraq. Persia Iran. Galati khua Turkey khualipi Istanbul. Kurd miphun Median.

Bible ahcun Medes or Median miphun tiah a lang. Nihin an milurel hi 45.6 millions an si. Kawlram milurel zat dengmang ansi. An tambik nak ram hna hi Iraq, Iran, Turkey le Syria ah hin an tambik. Chin mi zong India, Bangladesh, Kawlrawn, Kachin, Vawlei pumpi in kan I zelh dih ve.

Hi ram 4 ahhin Ethnics timi tlangcung miphun in khuasa mi an si hna. Turkey ram ah 18% 81 millions ah, Iraq ah 16 % 40 millions, Iran ah 8% 83 millions ah le Syria ah 8% 19 millions ah an si hna. Mizo le Lairam a ṭhen bang in ram 4 ahhih an i ṭhen hna I nai niam tein an I peh dih. Mi phun 1 an si ko nain ram 4 ahhin an I ṭhen cheu hna. Hi ram 4 hlei in ram dang ah aum mi

KURD miphun cazin hna cu: Germany – 1.5 millions, France – 150,000, Sweden – 83,600, Holland- 70000, Russia – 63818, Belgium – 50000, England – 49841, Kazastan – 45348, Armenia – 37470, Switzerland – 35000, Demark – 30000, Jordan – 30000, Austria – 23000, Greece – 22000, USA – 20591, Georgia – 13861, Kyrgyzstan – 13200, Canada – 16315, Finland – 14054, Australia – 10551.

Bible I Babylon SPH-Siangpahrang Darius timi Daniel Chinadeih thong inn thlak tu kha Mede timi KURDISH hna SPH a si. Babylon chan ah hin SPH-8 tiang an ngei kum 224 Babylon in vawlei pum pi uktu an rak si ve bal. “2450BC”.

Tu cu ram kip ah Chinmi bantukin Diaspora an si hna: Iraq ram tu ah hin cun Federal State an hmuh cang. US nih Iraq alak hnu ah khan Federal state hi an hmuh kha asi.Cucaah Iraq I aum mi, Syria ah aum mi, Turkey ah a um mi, Iran ah aum mi tiah Ram derh ṭhan an duh tiah Turkey nih sual apuh caah a tuk nak hi asi.

Vawlei cung tuanbia ah vawlei pi uktu hna: 1. Egypt Kingdom. 2. First Babylonia I Kingdom-Hammurabi. 3. Second Babylonia Kingdom-Nebukkhannezar-Israeli miphun voikhat sal tannak. 4. Syria or Assuria Kingdom-Ahnu bik Israeli saltlaih nak.

5.Persia Kingdom “Median nih an uk hmasa hna-Babilon Khualipi in” Cuhnu ah Persia miphun nih an kut ah an lak in Babion in an uk ṭhiamthiam, SPH Cyrus- Nehemiah Vuanci chok ṭuan lio, Israeli mi hna Jerusalem Temple le Hauhruang remh ding ah thla tu pa kha, Ahnu bik Persia SPH cu Arta Xerxis timi Judah muidaawh nu esther in avapa kha asi.

6. Greek pennak -Alexander, Athih hnu ah apennak a kau tuk caah ṭhen 4. ah a ṭhen.- Judah cu Izpt Alexnadria ṭhumi Ptolome ralbawi nih an uk hna. Syria a ṭhumi Greek ralbawi pa nih Izipt Ptolame cu atei hna caah Judah cu amh nih a uk ṭhan.

Judah mi fih bik mi Voksa in raithawi tu pa kha asi. Fale hna an pathian sin ah riathawi nak a tuah caah, Tlangboi Matthias le a fale nih an do I an tei. Cucu Maccadeas an ti hna. Cu hna nih Judah cu can zeimaw zat an uk. Mecabean Chan anti. Tulio Israeli ram I Hannuka timi puai-Phazawngdan -8 puai hi anmah in ai thawk mi asi. An hruaitu cu Simon asi caah Isareli phaisa ah Simon milem an cuan ter kha asi.

Hilio caan ah hin Greek nunphung, caaholh le biaknak kha biatak tein vawlei cung ah an hman ter hna. Judah minih an zulh duh lo caah hrem nak tampi an ing I Martar in a thi mi zong an tampi ve. Hi phung hi KAWLRAM zong nih a nawl a cawng ve I Burmanization ati. Nihin tiang an kan hnursuan ko hih.

7. Rome pennak -Rome miphun an si ko nain Greek biaknak, nuphung le caaholh kha anun ter ṭhan. Ausgustus Ceasar “14 BC, SPH ṭuan lio BC 4 ah kha Jesuh Bethlehem ah achuak.

8. Muslim le Arab pennak -Muslim nih Jerusalem le Judah vial te an lak dih. Vawlei kha an pen. An hruai tu bik hi Caliph ti asi. Cucu tulio ISIS hruai tu pa zong nih second Caliph tiah min a bunh nak kha asi. Jesuh voi 2 a ṭumṭhan lai tiah kan zumh bantukin Caliph ṭumṭhan tikah Muslim nih vawlei pumpi kan uk lai tiah An bilbe Koran I Prophet bia aum ve. Krifa ram tamdeuh kha Muslim ram ah an thlen dih hna. An I merh duh lo ahcun thah le ngawng tan kha asi.

Crusade kan ti mi hi Krifa le Muslim ral I doh nak kha asi. Krifa mi nih Tlawm pal te cu an lak ṭhan khawh ve. 9. Mirang nih vawlei pumpi a uk kha a hnu bik asi.

Fianternak: ISIS umnak ṭhing kha KURD Ralkap nih an lak. ISIS nih an miphun nu pawl kha tlaihrem in SLAVE GIRLs in an hman hna caah KURDISH nu Ralkap an derh. Hi Nuralkap hna film hi tang ah kan tar lai. Credit: Saya Rung Kaw