CNLD Chairman a simi Pu Zo Zam nih “ Tedim peng, Kattal khua ah a voikhat nak bik Covid19 Positive cu Falam Sizung ah thial ding ti lio ah Falam NLD MP pakhat nih a duh lo. Kha ka theih bak khan Falam NLD MP pawl hi an hrut hnga maw ka ti i ka thin zong an phang ngai. Chin miphun chung in Mihrut nih MP an i cuh ve ding hi cu biatak tein kan doh hna awk a si,”tiah a Facebook cahmai ah a taarlangh.

Pu Zo Zam caṭial mi kong ah Salai Lungthli Tum nih Comment a pek colh ve “ Chin party ai timi CNLD i luthum lakah lukhat a si vemi Pu Zozam nih Falam peng MP pakhat cu ‘mihrut pa’ a ti diam ko. Nothankap ta-peh pawl, nan pupu Zozam catial hi zoh tuah u, ‘hruaitu puitling’ a si zia nan i fiang ko lai dah. Kei cu Nothankap le Zozam hi cu mafia or gangster boss deuh ah thim ding an si ka ti. Miphun a aiawh tlak an si lo, an party CNLD zong Chin timi min an hman ruang menmen ah miphun party tiah auh phu si lo, mafia party or Nothankap party tiah auh a hau” comment pin a phomh ve colh hi asi.

Atu lio cu facebook cakuang zoh tikah, zei dang thawngpang um loin ramkhel deuh ngawt hi a si. A ralaimai November thla thimnak kan naih ziahmah ve cang. Thimnak ni le thla a phak hlanah, mah le ṭanhmi Party cio dirhmun sining chim cio le aa cuh dingmi minung kongah Chinmi kan buai lulh ve. Pumpaak hmuhning (Opinion) cio chim cio lulh a si. Cucaah tutan zong hi Pu Zo Zam nih amah hmuhning (Opinion) a chim ve mi hi a si.