Ralkap tham cu Bama Tapung pei: Ralkap tthat lonak kong Mipi hmai ah chim i mee kawlnak ah hman ttung i mee hmuh hnu ah Ralkap hmai ah holh ngam ttung loin kum (10) kan kal cang. A tu cu Mipi hmai ah Ralkap tthat lonak kong chim loin an mah Ralkap hmai bak ah Mipi nih Ralkap kan duh lonak kha tampi langhter a herh cang.

A luancia Kum (3) hrawng ah U Nay Win tupa Aye Nay Win le CNF in U Htet Ni te pawl DVB ah Debate an tuah. Aye Nay Win nih Tlangcung Hriamtlai Bu pawl kha Tapung tiah a rak ti hna caah ka sum kho lo i Ralkap cu Bama Tapung tiah ka rak ti hna. Debate ka kalpi hoi pawl nih na bia a fak tuk Yangon ah kan um na thei lo maw thawng na thla ah teh tiah an rak ka ti. Ka lehmi hna cu ka hmun ah hin ttih ning law Tlangcung mi nih Ralkap kan huat hi Kawl pawl nih an thei lai lo. Mah ka chimmi kha an thei hnu cun Ralkap hi Tlangcung mi hna caah cun Tapung pei an si ko cu ti kha Kawl pawl nih an theih cang lai tiah ka leh hna.

Ca le bia in Miphun i dawtter ngai nak in cun kan tuah kho tawk ram caah tuah peng, ttuan peng nak tu nih kan ram a thlen deuh lai. Chim duhmi cu Election lai lawng ah ram dawt ngai bangtuk in um i Election Hlan le Election Hnu ah zei hmanh ram caah tuah ttung lo ah cun ram kan dawtnak a feh tak lo tinak a si ko.

Thimnak ah ka tling le tling lo cu Pathian le Mipi kut cung ah a um i keimah nih ka Ram le ka Miphun ka dawtnak cu ka cung ah a um mi a si ko caah thimnak ah ka sungh siseh, teinak ka hmuh ah siseh Miphun le Ram ka dawtnak a tlau bal lai lo! Cattialtu: Salai Dokhar hi ka hi hmehpiak law a chimnak video um lai.