Chin Ram Khualipi Hakha Ah Thil Mak A Cang Hih! Tutan kan theih mi thawngpaang cu,lung a nuam lo ngaingai ko. Hi ruangah mi dang dang 3 ka hal nolh hna i an chim mi an ikhat cio caah atubantuk in ka van post ngamnak hi asi. Kan ram le miphun nih zalonnak kan hmuh khawhnak ding caah tiin chungkhar nu le pa le u l;e nau le hawi le kawm tiangin an kal taak hna i Miphun le ram caah kan thih le thih siseh tiin an pum an i pe hna. An pum an i peek hna bantuk in tampi hna cu miphun caah an nunnak a liam cang i tampi cu kut lo le ke lo in an um i,a cheukhat cu mit hmu lo le hna thei lo in an um cang hna.

Kan ram le miphun a that khawhnak dingah tiin,Ram chung ram leng a um mi hna nih an thazaang can ah tiin tangka chawva in heh tiah an thawh hna. Hilio ah Hakha khuapi chungah Siangin akai mi minung Min ai pe mi hna hi nai zarh tiang ah khan minung 400 tluk an si tiah kan theih mi kha nihin ahcun,a tlawmbik in minung thongkhat 1000 tang ttumlo cu an si lai tiah mit bakin ahmu tu hna nih an chim mi asi.

Thawngdang relchap Mindat khuate hna ah SAC nih hriamngan in a kah Chin ramkulh Mindat peng chungah SAC ralkap nih mipi pawl an umnak khuate hna ah hriamngan in a kah tawn tiah Mindat peng mipi uknak phu nih an chim.June 20, zaan sml 10 ah Mindat khuachung ah a ummi SAC ralkap pawl cu Mindat nitlak lei Pukun khua ah hriamngan in voi 2 a kah i mipi inn cheukhat a rawk i khuami hna himnak hmun ah an zaam tiah CDF-Mindat nih a thanh.

Mindat mipi uknak phu in biachimnak nawl a ngeitu Ko Yaw Man nih SAC ralkap pawl cu June 15 thok in Mindat chaklei le thlanglei ah a ummi khuate hna ah hriamngan in an kah lengmang June 16 zongah SAC ralkap nih kah ruangah chaklei Muitwe khuami 3 an thi i 3 an i hliam tiah The Irrawaddy ah a chim. Muitwe khua a kah lioah mi 3 an thi colh.

A thla lawng asi rihmi hngakchia telh in minung 3 bom nih a khen hna i an i hliam. Mipi inn 20 a rawk. Inn 4 hi cu a rawh dan a fak tuk. Mui twe khua an kahmi hi cu khuachung tla hrimhrim ding in an i tinhmi asi. Tlanglo a ṭuanmi pawl thi dih hna seh tiah an kahmi a lo. Mindat ah a ummi SAC battalion 274 chungah 105 MM an chiah cu. Mah pawl khan kap sehlaw a lo.

CDF Mindat nih Mindat khuachung ah SAC nih hmunhma an khuarnak 3 cu June 14 ah thazang tampi in phu 3 ṭhen in kahdohnak an tuah i bawmhnak pek ding in a raami pawl zong an kah chih hna. Kahdohnak chungah SAC ralkap bawm ding in a raami pawl kha CDF- Mindat nih an bawh hna caah kahdohnak a hruaitu captain 1 a thih hnu ah SAC ralkap nih khuate lei ah hriamngan in a kah lengmang hi a si tiah Ko Yaw Man nih a chim.

Kan theihmi thawngpang hi a fiang cu a si lo. Mah captain pa hi Mindat hmunhma a thei ngaimi a si tiah an chim. Lai le kawl cawhmi asi. Kanmah lei hmunhma umtu ning le lam pawl a fiang tuk. Mindat khuachung ralkap nih cun a mah an i bochan tuk. Captain a thih ruangah Mindat khuachung ah a ummi Colonel cu a thinhung lengmang. Ka bochantuk mi pa a thi cang tiah a rit hnu cun kap uh athimi thi hna seh tiah kah thlorh in a kah ter hna an ti. Voikhat kah ah voi 6, voi 7 hrawng an kah tiah achim. SAC ralkap le CDF-Mindat karlak ah entainak a fak i khuachung ah SAC ralkap nih thazang 300 hrawng a chiah tiah Mindat mipi uknak phu sin in theih a si.