Breaking News: Tanghra Camipuai Phi mi Cu Lungrethei Ngaiin An Um Cuahmah Hna

Myanmar News, Uncategorized

Breaking News: Tanghra Camipuai Phi mi Cu Lungrethei Ngaiin An Um Cuahmah Hna. Kachin Independence Organization (KIO) hmunram ah 2021-2022 cacawn kum tanghra cammipuai(examination) aphimi hna lakin siang ngakchia 2,192 chung ah 1,680 nih hlawhtlinnak an rak hmuh tiah theih asi. Cammipuai a awngmi siangngakchia 1,680 chung ah thiamhlei (distinction) ahmu mi 300 leng an um tiah KIO fim cawn nak zung nih a thanh. Hlawhtlinnak a hmumi siangngakchia hna cu Mai Ja Yang College Mai Ja Yang Institute Of Education (IED) Institute of English Program Federal Law Academy sianginn hna ah an kai kho lai tiah theih asi.

Bo Naga Hmanhmi Bomb Cu SAC Ralkap Nih An I Lamh Caah 15 Hrawng An Thi June 5 zinhlei Sml 8:30 hrawng ah Saigaing ramṭhen Ai Taungin a chuakmi SAC ralkap thazaang 80 hrawng cu Tapyitaw khua an phanh hlan deuh ah bomb hmahmi an i lamh caah ralkap 15 hna hrawng an thi, tiah Myanmar Tawwin Nakaa ralkap phu nih nihin ah cathanh an chuah. Cu bomb puahnak cu SaLyinKyi hmunram um mi Myanmar Royal Dragon Army( M. R. D. A / SaLyinKyi ) le tualchung PDF i bawm in an tuah mi a si. Mizapi vengtu ralkap lei cu hliamtuar um lo tein hnu an tolh kho tiah an cathanh ah an langhter.

Thawngdang Sagaing ramṭhen Chaung U peng Kanzi khua pawng ah SAC ralkap pawl cu tualchung PDF phu 19 i fonh in June 5 ah bomb voi 3 in an kah hna hnu ah kaphnih kahdohnak a chuak i. Kahdohnak ah SAC ralkap 20 an thi tiah theih asi. Kanzi khua ah umhmun khuarmi SAC ralkap le Pyusawthi hna cu tualchung PDF nih chun hnu sml 1 hrawng ah drone in bomb an thlak hna hnu ah SAC ralkap nih drone an thlahnak hmun an kah lioah PDF nih bomb an puah hna caah SAC ralkap 18 an thi.

Cu hnu ah rallam a sialmi SAC ralkap pawl cu, PDF nih an bawh hna i minutes 10 chung hrawng an i kah ṭhan caah SAC ralkap 2 an thi chap. An hawile bawmh ding in SAC ralkap pawl an rat caah PDF cu hnu an kir. An kir lio ah PDF 1 cu meithal kuan nih a khen caah Pyusawthi nih an tlaih i a nun bu in, mei in an khangh, tiah theih asi. Cu kahdohnak ah cun Farmers Revolution Force FRF (CHU), Aung San Force ASF le a dang tualchung PDF phu 17 hna i bawm in an kah hna tiah theih asi.

Thawngdang Min Aung Hlaing Nih Atuah Mi Cu Tihnung Ngai Asi Cang. Misual ralhrang nih ningcang loin nawlngaihnak an lak hnu ah mi pi 3165 an thah cang hna. Cun mipi tinghra leng an zaam. Mipi umnak inn ralhrang nih an khanghmi hi Inn 19635 asi tiah an langhter. Min Aung Hlaing hruainak in ralhrang nih nawlngaihnak an lak hnu kum 2021 February thla in 2022 May thla tiang ah mipi 3165 ralhrang nih an thah cang hna.

Myone 86 ah mipi umnak inn an khanghmi hi 19635 asi cang tiah Media Monitor Colletive phu nih thanhnak an tuah. Ramkulh le Ramthen in myone 86 chungin khua 400 renglo mipi inn an khangh cang. Sagaing ramthen lawngah inn 12687 an khangh i Magway ramthen ah inn 4304 an khangh.

In Myanmar, military matters are a lucrative family affair | Asia | An in-depth look at news from across the continent | DW | 09.04.2021

Cun Chin ramkulh ah inn 1376 an khangh i Kaya ramkulh ah Inn 360 an khangh. Cun Shan ramkulh ah inn 329 an khangh i Kayin ramkulh ah inn 166 an khangh. Shan ramkulh ah inn 137 an khangh i Mandalay ramthen ah inn 118 an khangh. Kachin ramkulh ah inn 58 a si i, Tanintary ramthen ah inn 37. Mon ramkulh ah inn 30, Pekhu ah 26 an khangh.Yangon ramthen ah inn 4 a si i, Pekhu nichuahlei ah inn thum an khangh.

Ralhrang kawlralkap hriamnam in hliammi khuami hna hi minung 1112 an si cang. A ruang um loin ralhrang uico hna nih mipi an tlaih mi hna hi minung 16251 an si cang. Cun ralhrang kawlralkap hna khuami mipi phaw ah an hmanmi hna hi minung 1353 an si cang tiah MMC nih thanhnak a tuah.

Leave a Reply