Breaking News: Min Aung Hlaing Cu RCSS Nih Bawmh Atimh Cang Anih Lawng Achuak Cang Ko

Myanmar News

Shan Miphun hriamtlai phu asimi RCSS Nih Kawl ralhrang he bawmh dingin misual ralkap nih bomb thlak nak ah an hman tak dingmi jet fighter diesel leiah kilveng piak dingin myanmar now nih alanghter cang. Tlangcung hriamtlai phu telh in PDF le CDF an kan that cuahmah mi cu pinah sualnak ngei lo mini le ralzam nawl bomb athlak hanwh cuahmah mi hn sac rlarhang bawmhnak pek dingin Shan miphun hriam tlai phu asi ve mi RCSS nih atu bantuk in lungtlin nak atuah cu amak ko kawl ram chung i miphun hawi dihlak leirawi tinak asi ko cang hih!

Thawngdang  NGU kuatmi hriamnam a rak. phan chap a rauh hlanah PDF zapi sinah pekchanh dih si lai tiah Zotung Tube Now nih cun atu hi atarlangh. Atu hi Mah thawngpang hi Kan lai pa william timi pa nih avan langhter mi asi. Mah thawngpang hi rak share cio ulaw teinak kan hmuh khawh nak dingah i bawm cio hna usih!

Thawngdang relchap Ralhrangbu cunglawi bawi hna nih an kuttang ralhrang bawi nupi hna cu a voikhatnak raldoh cawnnak an tuahter hna tiah theih a si. Atu hi Captain le Colonel hna i an nupi le hna cu Mandalay ramṭhen Pyin Oo Lwin Shan ramkulh Taunggyi le Aungpan khua i a ummi ralhrang hna sinah kan hnuzarh khan an thawk i zarhhnih chung an cawng lai. An cawnmi chungah meithal kah lawng si loin hriam ngan hman ning le raldoh ning cheukhat hna an i tel tiah cawnnak aa telmi hna nih an chim.

Kum 2021, Feb 1 lio i nawlngeihnak lak hnu in ralhrangbu hnuchit in a zammi an tam cang caah minung a i nguhdeih ti lo i atu bantukin an nupi le tiangin raldoh an cawnter hna hi a si tiah The Irrawaddy nih cun a ṭial. Hmasa zongah ralhrang nupi hna raldoh an rak cawnter cang hna nain bawi hna nupi tiang cawnter a rak um lo.

Pyin Oo Lwin i ralkap university i Captain nupi pakhat nih cun A voikhatnak ralbawi hna nupi le raldohnak cawnnak kan ngei. Tutan cawn nak ah Captain le Colonel nupi hna kan i tel tiah a chim. Ralbawi nupi hna raldoh cawnnak cu a rauh hlan ah ram pumpi i battalion kip ah thawk a si lai tiah theih a si. A voikhatnak cawnnak ah aa telmi pakhat nih Zeiruangah ti kan thei lo anmah nih cun a herh caah an kan ti ko tiah a chim.

Hmuhtonnak tampi a ngei cangmi tlangcung hriamtlaibu hna le ralhrang uknak duh lo ruangah lungfah in hriam a tlaimi mizapi ralkap he kahdohnak ah ralhrang cu nikhat hnu nikhat an thimi an tam chin lengmang. Cu pinah ralhrangbu hnuchit in a zammi ralkap zong an um peng fawn. Cuti i athimi le a zammi hna airawlh kho dingin ralhrangbu nih anmah ṭanhtu Pyusawhtee, USDP chungtel cheukhat le ralkap hlun hna chungin minung an kawl peng tiah theih a si.

Leave a Reply