Khah Dr. Sasa Nih Athuat Cang Hna UN Le Asian Cozah Hi Rin Awk Tlak An Silo i Dr. Sasa nih lehnak a tuahmi cu uar um tak tak. Vawleipi theihin NUG cozah lei nih D-Day a phuan mi konghe pehtlai in Dr. Sasa bia an hal i a tang lei bantuk in a leh hna. Zeiruangah dah NUG nih ralpi nih a phuan D-Day an phuan tiah an hal i diplomatic way a phun phun in ramkhel lei kong cu ramkel ning tein NUG cozah nih a kalpi vawleipi nih nan theih. Vawlei cung bu ah a nganbik pakhat asi mi UN pi nih Asean riantuan naknle kawlram kong a tawlrelning na cuanh i ASEAN nih hin tuni tiang kawlram caah zeihmanh sullam nei ngai in a ttuan bal lo.

Khatlei in chimah cun ASEAN palai nawlnak a tuahmi zoh tikah PDF le mipi tha zaang a van tthawn bak in ralkap lei thazaang a der ve cu lio ah kahdohnak ngol ding men in a timi hi ralhrang pawl a vennak hna asi ko lo maw? tiah hal kan duh hna. Cun ASEAN nih a hal bantuk in thla 4 chung kahdohnak ngol in ralkao nih mipi kut ah uknak a pek tthan lai timi biakamnak nan tuah kho lai maw ti zong hal kan duh hna.

Kawlram mipi caah zumhtlaklo tukmi ASEAN sinin ruahchanmi zeihmanh kan neilo cun ASEAN cawlcang lawng a zoh sawh sawhmi UN pi sin zongin kawlram democracy hmuh thannak ding ruahchannak zong kan nei ti lo. Cu caah UN he si lo in vawlei cung ramdang kan pehtlaih khawhmi ram tu hna sinah bawmhnak kan lak lai i UN le ASEAN cu a herh an timi tu rak tuah ve te ko hna seh, UN nih ASEAN rianttuan ka zoh ko rih lai a ti ahcun zei can kan hngah rih lai? Zeitik ahdah a chuahpi lai ti a fianlo tikah NUG cozah nih PDF dirh in tlangcung hriamtlai hna bawmhnak in mino hna training a pek hna i atu hi 50% nih training an dih cang.

NUG cu mipi cozah, mipi aiawhtu a si bantuk in mipi duhnak le ruahchanmi democracy puitling kan hmuh khawhnak dingah ttuanvo nganpi neitu a si. Ralkap lei nih le mipi sinah fahnak le harsatnak a phun phun a tuah peng rih caah ramkhel ning tein cawlcangh khawh si tilo  mi nung i chawnhbiak bantuk in chawnhbiak awk a thalo mi an si. Cu caah hriamnaam cu hiamnaam ning in leh ve caan a si cang tiah biakhiah nak a tuah caah D-Day hi a phuan nak a si. Atu cu kanmah lei zongin minung thazaang in siseh hriamnaam thazaang in siseh fimthiamnak in siseh ralhrang pawl doh dingin kan i ready cang. Teinak kan hmuh cang ti tluk si a lam tu thlen a herh bia si tiah a leh hna.