The Chin Journal: Vice President Henry Van Thio a umnak President innpi in i thawn ding in an fial nain ahnu ah i thawn tthan lo ding an ti tthan caah a umnak inn thotho ah leng chuak lo ding in congh a si.

Daw Aung San Suh Kyi zong Naypyidaw i ahlan a umnak inn thotho ah ralkap nih an congh. Myanmar President U Win Myint cu a umnak innpi in an tthialter. Hluttaw Gate pawng inn no. 29 ah an thawnter. Irrawaddy

Relchih: Ralkap nih (Aa-naa) laak mi kong ah Aung Pan Khua um Ralkap phu nih February 5 ah duhlonak cathanh an chuah. Hi cathanh chung ah 2021 February 1 ah Myawadi in rampi Uknak (Aa-naa) cu Senior General Min Aung Hlaing nih a laak cang ti mi kan hmuh caah kan lung a nuam lo ngai.

Hi bantuk in Upadi phung buar in Uknak (Aa-naa) laak mi cung ah kanmah No. (903) ralram um engineer phu No. 2 ralkap phu dihlak le ralkap chungkhar hna nih faak pi in kan dohkalh, Kannih ralkap cu ralkap chung kan luh hlan in mipi ca ah kan nunnak pek in kan humhim hna lai ti mi biakamnak he a lut mi kan si. Ralkap Uknak cu nihin thawk in mizapi he hmun khat ah kan doh ti lai tiah cathanh an chuah. Hi cathanh cu Gyi 48411 Bogyi Kyaw Soe Tun minthut in chuah a si. Ref: Democratic Voice of Chin-DVC

By Sang Hre cattialmi tawi relchih: Kan chuahkehnak ram ca hmanh a si lo mi American President Donald Trump caah thih ngam dadeng in catial le thlacam lei ah a aukhuang len mi evangelists le pastors pawl kha khawi ka dah an kal dih?

Election lio ah hawi hlei a thei cem bang miphun covo kong a kan cawnpiak len mi pawl zong tek nih maw a tlak dih hna hngaan tlau dih ee. Ka hmu ruam ti hna lo. Ralkap uknak do loin NLD do lei tu ah an rak piangthar sual le maw a si hnga.