2050 ah Minung le Vawlei Pumpi a tlau dih lai. Khuacan ahman lo mi hi mah tining hin akal peng ahcun Vawlei pumpi le Minung hna 2050 kum ah kan tlau dih te lai. Cuhnu ah vawlei thar hi aum kho men tiah Scientists hna. Pawngkam zohkhen tu le Cinthlak nak lei mifim thiam hna nih an chim phuan. Vawlei lei in Profet bia an chimh ti khawh asi.

Minung nih mah tein Vawlei pi hi harnak kan pe ruang ah asi. Nihin kan theih lengmang mi harsatnak tuksapur hna cu: Tilianh- Meitlang puak- Hawhra tit- Rili tilet thlichia- mincimh- Ram le khua meikanghnak- Van ruah a can hman lo. Nilinh tuk lapet- Zawtnak rai aphun phun a thar in an chuak thluahmah, Thli thurhnawm termi Zinan khu- Petrol khu- Lung mei hol khu- Dizel khu- Green house gases timi Thla Lang Inn cinthlaknak khu- Vawlei babu cawng timi CO2 (Corbondioxide) tampi chuah tertu tuahser nak vialte Cozah nawn- Rungrul thah nak sii, Belhram thahnak sii.

Ramhmawng atlawm thluahmah Thingkung le Ramkung ningcang loin hau thluahmah tbk hna hi ti ning kel in kan hmang peng cun vawlei pi 2050 ah atlau bak ko lai. Cung lei kan ṭial mi hna nih Kandawp mi thli thiang an thurhnawm ter i zawtnak rai le cancer aphun phun an chuah pi. Thlithiang bukbau O3 timi Ozone thap zawng apem thluahmah cang. Nika alinh thluah mah lai i Arfi le Thlapa hmanh an tit kho ti asi.

Abik Vawlei pi le Minung hna lotlau dih ding in Darkhing tumtu le Authawng cu Astralia ram le Amazon meikangh vawlei hramthok in meikangh ballo nak hmunhma Tuluk ram Corona hrik thar le adang hrik thar phun hna Ezbola- SARS- tbk le Hriamnam phun phun in an sersiam tbk hna hi asi. Atom bomh hlei ah Chemical Weapon timi Datkhu Hriamnam hmarun hmachia le Datkhu dawp nak he duhsatein mithat tu hriamnam Biological Weapon Hrik rai le zawtnak in mithat lainawng nak hna hi an si.

Acung lei kan chimh mi vial te hi minung hna le Ram vial te hna nih hrial lo in pehzulh in an tuah peng ah cun 2050 ah vawlei le achung um mi thilnung vialte Minung telin kan tlau dih lai tiah vawlei fimthiam nak in Profet bia in an chim phuan ve cang. Minung nih kan zia kan ṭhinh lo ahcun Kawlram Irrawaddy ramkulh khi a tlau lai. Rangoon khualipi hnarcheu zong apilh lai. South America Continent zong atlau dih lai ti asi ko hi. Bible chim phuan mi (Biathlam le Revelation) cu atheih deuh nin comments in siseh- capar in siseh rak kan zuam piak hram uh, tiah hi capar in zangfah kan nawl hna. Saya Rung Kaw