2023 Chinland Constitution le Chinland Council Legitimacy (7) 

Chin News

2023 Chinland Constitution le Chinland Council Legitimacy (7)  (1) Thimhnak in Phunglutnak:  Legitimacy timi Phunglutmi si awk ah Democracy ah asang bikmi cu Mipi nih cohlan hi asi.  Mipi duh nak zalon tein langhter khawhnak le hmuh khawh nak caah vote thlak ter dingin thimhnak (Election) cu tuah asi. Thimhnak in mipi tam deuh vote in arak kai mi Party le Palai hna cu ahohmanh nih hrawk khawh le chut khawh an si lo.

Cucu Democracy ah Power ngeibik mi cu Mipi kansi kanti mi cu asi. Uktu le Palai zong nih Mipi duhning in uk le hruai asi ve. Mipi duh lo ningin um ahcun phuak colh khawh mi asi fawn. Mipi nih duh tilo ahcun adih ve. Ti ngainak aum cuang nawn lo. Cucu Laimi kancem rori tinak cu asi. (2) Cucaah Democracy phung ahcun Power from The People timi Mipi sinin arak luang mi nawlngeihnak ti asi.

ASIA, ASEAN, Kawl le Chinland ahcun Power to the People tu ah aathlen. Democracy kalsual le pialsual hruaitu luban hi kan zapi ngawt in kansi tawn. (3) Mipi Duhlonak langhternak in siseh, an Duhlonak an chimrel nakin siseh, Mipi nih ca in anṭial I an chiah ah siseh, Mipi duh tilo mi Palai pa le Aiawhtu pa cu phuak ding asi cang.

Kan phuak kho lo ahcun Democracy ninging Phunglutmi (Legitimacy) ansi tilo. (4) Cu vialte hlawhtlinnak le fekternak caah Phunghrampi ah law le Upadi in tialchih ding le nenhnget ding mi asi. Phunghrampi um loin nawlngeihnak ka ngei, ahohmanh nih an ka phuah khawh lo ati tu cu Democracy fapa le ansi lo.

Ralhrang tumkheng tu ansi. (5) Phunghrampi athi ah siseh, anthah ah siseh, Legitimacy sinak cu amah tein anthi ve cang. Anung ti len zong ah angah lo. (6) Tcnk: 2008 Phunghrampi thah asi tikah ICNCC telin MPs le teitu party cu anthih dih ve cang. Cu buin kan nung rih tiah atitu an um asi ahcun 2008 Danhrampi an I tlaih rih a thih lo tinak asi. (7) Thimhnak loin Legitimacy sinak le Phunglutnak:

Vote thlak can aumlo ahcun Mipi nih kan aiawh asi tiah an cohlan mi Palai hna hnatlak le Cohlan nakin asi. Hihi Defecto anti. Thimhnak loin Palai sinak nawl le Legitimacy timi Phunglutmi sinak ti asi lai cu. Ralhrang nih uknak anlak tikah le Mipi cozah uknak chut ansi tikah hmangrua caah Lawyers le UN, Geneva nih Upadi tuahmi asi.

Thimhnak cu Phunghrampi nih anfek ter I cu Phunghrampi anhrawk tikah mipi aiawh tu UN ah legitimacy si awkah le ram kip cohlan awkah Upadi asi. Hi upadi le phung in atling mi cu Thimh nak aum lo I Phunghrampi aum lo zong ah Phunglutmi ansi cang. Ref: Jacob R. Thang

Leave a Reply