2020 Thimnak Chinram Ah Chin Party Mipi Nih Kan Tlinter Hna Lo Ahcun Kawlmi Lakin A Ra Dingmi Cu

Kum tampi luancia mi ah USDP nih an kan uk zei hlei hlah. 2015 in NLD nih an kan uk i zei hlei dah. Tukum tal cu CNLD hi thim phawt ko tuah hna usih ti hi keimah ruahnak a si. Chinram ah Chin Party an tling lo ahcun an nihsawh ngai cang lai dah.

Zei bantuk Cozah an si zongah kan duhning in a si kho hlei bal lo caah, i palh cio cio Chin Party thim phawt ko tuah hna u sih ti hi a niam bik ruahnak in ka ruahning a si. Chinram caah Chin Party hi dirpi phawt ko tuah u sih ti hi kei cu ka ruah ko cu. Credit: Salai Pathawng

A Tang Hi Rel Chih: Pumpak Mihuatnak Ruangah CNLD Party Vote Pe Lo In Na Um Awk A Si Loh

Kum 2020 Election ah zeiruangah dah CNLD thazaang pek an herh? kan rak chim cia bang in CNLD cu aprty pathum hna CNDP, CCP, CLD hna i fonh in an dirh mi a si caah CNLD Chin party tiah minsak mi a si.hi party hi Chin ram le kan miphun t’hancho khawh nak ding caah ti in dirh mi a si.cun party tling an si nak register an tuah mi zong May 17 ah t’ha tein cohlan an si cang.

Chin ram le kan miphun t’hanchonak dingah cun kawl party nih hna nih cun zei tik hmanh ah thih ngamh in rian cu an t’uan in an pum an i pe bal lai lo.Chin miphun hna nih CNLD party thazaang kan pek in kan dirkamh le vote kan pek a si ah cun 2020 election ah an tling kho bak an si.zeicatiah party tling an si nak register zoh tik ah kutke tampi an nei kho cang.a mah belte Chin miphun nih kan dirkamh hna lo a si ah cun party pakhat khat nih an den tik ah a t’ettiam ko mi an si.

Kum 2015 lio ah Chin party ti in hrambunh party pathum an rak um i Chin mipi vaivuan ngai in an rak kan tuah tik ah a zei deuh hi dah kan Chin ram le miphun caah vote kan pek lai i kan dirkamh lai ti kan i ruah karlak ah an rak tla diam.Chin mipi hna nih NLD lawng te ah vote kan rak pek cang.asinain a tu ah cun Party pathum hna cu pakhat ah an dir cang i Chin miphun na si ko ah cun lung aw-t’awm nak ding a um ti lo.CNLD ah vote pek cu kan rian a si ko cang lo maw?

CNLD party ah vote pek na duh lo a si ah cun na miphun hawi le na chuahkehnak ram na deh hlen a si ko cang lai.Chin ram le kan miphun t’hancho cu na duh ve hrim lai tiah ka ruah.CNLD vote pek nak kongah pumpak in i huatnak le pumthil thil kongah vote pek lo in le dirkamh lo in kan um awk a si lo.zeicatiah CNLD party hi pumpak thil a si lo ti hi kan i fiam awk a si. Ref: MGB