2020 Thimnak Ah Chin Party Nih Chinram Aiawh In Cuh An I Tim Nain An Office (Zungpi) Cu Chinram Ah An Chiah Duh Lo

Chin News

2020 Thimnak Ah Chin Party Nih Chinram Aiawh In Cuh An I Tim Nain An Office (Zungpi) Cu Chinram Ah An Chiah Duh Lo

Image result for chin party

Chin party CNLD cu 2020 rampi election ah Chinram ah dir an itim nain Chinram ah an party office(zungpi) an chia duh lo.Yangon khua tu ah an party CNLD office ( Hadquarter) pi cu kawl khua ah an va bunh/ chiah diammi kongah zeitin na ruah ve?

Chinram ah vote an i cuhnak ding siko mi ah kawl khua Yangon ah an party office (zungpi) an hun hi zeitin nan ruah. Chin party si fawn pinah Chinram ah vote an kawlnak ding siko mi ah Chinram hrimah Office(hadquarter) an chiah duh lo mi hi zeitin na ruah? Na hmuh ning hun chim ve?: Chin party nihcun Chinram hrimah an party Hadquarter an chiah hrim ding si na ti ve maw? Yangon khua ah an party CNLD office zungpi an chiah hi a tthami siko na ti dah? Credit: William HC

Miphun Nunnak Muru Timi Capar Hi Rel Ve Hmanh Tampi Tthat Hnemnak An Pek Hrim Lai!

Laimi hi milu in miphun dang he tahchun ahcun, tammi si loin tlawmmi kan si. Cu lawng si loin, miphun ah pengtlang in ai tthentthek ngaimi kan si. Cu bantuk nih, miphun hmunhnak le nunnak kongkau ah ruahnak le phannak tbk a umter ngai. Cun, ralzam dirhmun nih miphun sinak a zuamcawh ngaingai fawn. Tuni ah Laimi a kan dolh khotu cu pakhatnak ah Kawl miphun an si i, pahnihnak ah zamnak miphun hi an si. Hi kong hi pical in tuaktan le kherhhlai phu ngaingai a si.

Miphun tthanchonak ruahchan in Biak Ceu Nung le Van Nun Lian tawlrelpinak in Denmark ah rak tuahmi Chin Academic Seminar (CAS) ah kai rak tel kho ve. CAS cu July 14-15, 2017 karah rak tuah si i, tlangtar in ka rak chimmi cu ‘Sinak‘ le ‘Nunphung‘ hi an rak si. Hi program ahhin CNF in Pu Tthet Ni zong ai rak tel kho ve. Cu lio ka rak chimmi tlangtar pahnih nih miphun nunnak muru pehtlai ah khua tampi a ka ruahter ngaingai.

Miphun nunnak muru taktak hi phun thum in fianter le langhter khawh si tiah ka ruah. Cucu miphun muru le miphun pakhat sinak langhtertu zong an si. Cu hna cu; pakhatnak ah ‘caholh’ hi si e.g. Lai caholh cu Laimi sinak fiantertu a si. Pahnihnak ah ‘nunphung’ hi si e.g. Lai phung, Lai biaknak, Lai phunglam le Lai nuncan tbk hna hi Laimi sinak langhtertu an si. Pathumnak ah ‘hmelchunhtu’ hi si e.g. Lai thuam, Lai phungthlukbia, Lai laam, Lai ramri le Lai thantar tbk hna cu Laimi sinak langhtertu an si.

Laimi nih CAS program hi tampi tuah kho lengmang usihlaw, miphun tuanbia, sinak le nunphung tbk theihnak le fiannak ah kan rum deuh ko lai dah? Cu bantuk nih, miphun ttanhnak le dawtnak nun le lungput a hrin khawh lai. Cu hmanh ah, Laimi chungin nucan le pacan deuh nih Lairam le Laimi kong hi kan chim hna sehlaw, hmualngei chinchin lai. ‘Lairam le Laimi cu nung zungzal ko seh‘ Ref: Vannun

Leave a Reply