2019 Kum Chung Democracy Lam aTlaumi Tulio Cozah le Chanchung Hlen a tawn mi Tlangcung mi phun le Mipi December Thla a ziam lai i Kumthar kan phan cang lai. Nuhrin covo buar ruang ah Vawlei pi theih in I buaceh nak, Ramkhel kong, Remdai nak, Nuhrin covo hna hi cho lei maw apanh? Chuklai ahdah a panh? 2020 ah tah zei bantuk dirhhmun khi dah kan phan /phak khawh lai?

2019 Kawlram Ramkhel Kong A Bikbik hna: Tlangcung mi sin ah Nuhrin covo buar nak cu a zual chin. Kachin ram ah kum 8 chung ah remdai nak kan ser kho lo. A thimi ralzam mi, tlaih mi, hrem mi, tbk in nuhrin covo buar nak cu a zual lei tu ah apanh. Ralthar asimi Rakhine le Chaklei kap ruang ah mipi a thi mi an karh chinchin. Nu le ngakchia a thi mi ko hi antam khun. Hihi Vawlei pi, UNO, Nurhin covo phu le Nuhrin covo ralhau bu hna nih thinphan dai loin an zai cio mi asi. Mipi athih mi 70 leng chung ahhin 12 hi Kawl Ralkap ruang ah asi.

Ralkap sitkhung zung hlathlai biaceihnak: A umbal lo mi NLD cozah zuam nak kan ti khawh. Hlathlai nak cu a tuah ko nain zeitindah dantat ansi I bia an ceih timi mipi nihkan theih khawh hrim hrim lo. Mipi sinah Ralkap nih thawngthanh nak le fianternak zong tuah asi fawn lo. Cucaah Kawlram ah Biaceihzung le Biaceih dan phun 2 tu kan i chap lehlam. Democracy phung Biaceih ning le phung tu in kan tlau lehlam tu asi deuh.

Democracy fimcawnnak le Democracy Sipuazi ahman lo kha cu va um rih ko seh. NCA le Remdai nak: 2018 December thawk in Ralkap nih thla 4 kahdai nak a tuah. Thla 4 a karh ṭhan nain a phichuak mi ṭhathnem nak aum hoi lo. Zawng parathlei kahdai nak phun tu asi. NCA zong duh ning in hma a kal kho lo caah Federal Democracy phung le ukpen nak bia I ceih ding ah a rim hmanh kan thlau kho rih ve lo.

Sipuazi: Cozah nih pine hna ah Investment program tam deuh in an tuah nain aphichuak eibar an si lo I Rampi GDP zong akai ter hoi lo. Kahdaih nak a tuah nain khat lei ah a zual deuh lehlam. Sipuazi atuah tik zong ah ṭhat lei panh lo in a zual deuh lehlam. A ruang cu Democracy phung ning in Cozah nih an tuah lo ti kha asi. Cucaah lamdang le ningcang dang tu thlen in an hman deuh awk asi cang. A minung le system he thazang a dertuk.

Mipi Biaceih zung: Victoria kong hmanh an ceih kho lo. Eihmurnak, Fraud le corruption a tam chin chin I zor lei ah a panh lo. Upadi nih Buanco lo in a lenglei hip tu thil aum ti kha fian tein hmuh khawh asi. Minung le ningcang he Democracy phungning in kan kal can acu cang. Ralkap le meithal tlaih mi Tlangcung mi hna sin ah Mipi biaceihzung nih nawl a ngei lo bakin mipi nih Upadi le Biaceih bawi hna kan upat khawh ti hna lo. Cucaah Lungfak le lungdong in duhpoah in khuasa le lungduh saduhthah Phungning lo in tuah kha zei ah an rel ti lo.

Hihi Nuhrin covo buar ding in Laisen chuah piak bantuk asi cang kolo maw ti awk in kan um cang. Meithal tlaih mi phu hrim cu Biaceih zung nih zeihmanh lairel khawh an si lo mi nih hin Democracy in kan tlau afak cem mi cu asi I Nuhrin covo laisen kha hnatlak tein chuak piak he aalawh cang. Nuhrin covo buarnak in Kawlram ah hlathlai le dantat tu tiang aum lo mi nih hin Democracy in kan pial kha fiang tein an kan chimhtu asi.

ICJ kong ah mipi nih aho fapa hmanh duh poah in khuasa angah lo timi kan I fiang cikcek. NLD zong nih biatak tein aa sersiam ṭhan hrim a herh ti kha mipi nih fiang cikcek in kan theih khawh ve. NLD nih tuah anduh mi an tuha khawh lomi: Remdai nak usa pek ding. Mipi sipauzi kan kai ter lai. Luhmuh Sipuazi piatana kha tamada zung nih biatak tein a ṭuankhawh lo mi hi fimnak ah I lak cio ding asi.

Azitzu dantat atlawm: Mipi nih nuhrin covo le tinvo aphun phun an I fian dueh hna Cozah le Uk tu nak in. Mipi nih nuhrin covo buarnak le adang upadi buarnak kha Cozah sin ah an report ko nain Cozah nih ṭuan in an hlut chuak kho lo. Nuhrin covo tambik abuar mi Palik, Tazazi rianṭuan mi hna, Meithal tlaih mi hna kha Cozah nih dantat nak atuah khawh lo bantukin fimchim cawnpiak zong aum fawn lo.

Hlutdaw le Ralkap: Vawlei upadi an suai mi hi a tliang lo I Buaibai nak tampi he aacawh. International Level in senthuh nak kong biatak tein an ceih ve I thazang an pe ngai. Nain Kawlram upadi tu hi mipi le Democracy an kan vaivuan termi le an kan buai ter mi asi. Zalon tein biak khawh nak le chimrel khawh nak ah Hlutdaw nih a zei ti hmanh in an ti khawh ve lo.

66 f le phoma 505-Nain-Lut-lun upadi hrim hi Mipi ai-awh tu hlutdaw nih hrawk ding asi nain Party upa lei nih rampi policy nakin usa an pek mi asi lehlam. Sehtuaizi pohma ahcun Ralkap nih tangbo in 66-f in ankan uk I NLD bahu upa hna nih Sehtuaizi pohma 505-Naing-lut-lun timi tlangngaikuang in an kan uk ve. NLD chan ah serchuak mi pohma 505 hi pohma 66f nak in let 100 in a mual azual deuh. Saya Rung Kaw