2008 Danpi Remh nak le Karen Party Aw-An: Achung um cabia lawng remh an timh mi asi. Cu hmanh ah Bahu Nawl ngeih nak fek ter chin tu cabia deuh lawng an si hna. Azei tuahduh poah ah Nipidaw – Bahu cozah chim lengmang le theihter leng mang aherh. Kan mah Ramkulh ah Sipuazi le vawlei buaibai nak kong tiang in Bahu nih biachah an duh caah an hlut chuak kho lo nak asi. Abiapi bik mi Cozah asilo mi phu / bu hna he meeting le workshop tuah duh mi tiang in (biachim nak nawl pek le pek lo tiang in) Bahu chimh leng mang a herh. Hihi Federal Muisam a tlau tertu bik asi.

Bahu Power zorter le Pine Power pek timi hi 2008 danpi remh a hau lem lo. Tamada nih nawl chuah ah cun 100% asi kho. Zeiruang ah dah Bahu nawl ngeih nak azawr khawh lo ti ahcun Kawl Uktu poah poah nih (Kan Pi Telin), Miphun pakhat le Party pakhat / mibu pakhat lawng Anna ngeih zungzal an duh caah asi ko. Cucaah Bahu Anna zawrter ding ah ati kho tu ding mi cu Mah Miphun Party nih 2020 thimhnak ah teinak hmuh cikcek aherh ngai ngai. Cu ah Anna ngeih bik cu mipi kan si. Mipi nih Mah phun Party vote cu Federal hram kan thawk ni asi ve. Zumh nak le Saduhthah nak cu rian ah langh seh ti asi bantukin Federal ka duh hrim ko ati tu poah poah nih Miphun Party mee kan pe Ni khi, Federal in Kal hram le Ukpen hram kan thawk Ni Sunluai bak asi.

Democracy kan ngah hnu le Danpi remh hnu ah Federal kan kal lai ti cu Federal ngah lo nak ding ah Donkhan tu asi deuh. Hakha Lung Biak Inn le Thantlang TBC /JMBC ah Ram mui rian kan tuan lai ti he aa lawh. Mipi nih TABC le raintuan tu hna Bible va cawnpiak he aalawh ngai ngai lai. Federal Duh tung i Kawl party tanh in mee pek cu Falam holh cun na thuphan deuh si ko lai.Danpi remh loin Tamada le Kawl cozah nih nawl pek in Federal Uknak hram thawh khawh asi. An tuah duh lo caa tu ah asi deuh. An kaa cun an chimh lengmang ko nain tuahserh nak in an langhter ballo bantukin Party Policy zong in an fek ter fawn lo.

Danpi nih acohlan mi Ngunkhuai tluk ruannak Mah uktu mah tein i thimhnak Mah pine le mipi kong ah mah tein khuakhan lairel nak le Biaceih nak cu Mah tein i sersiam caan kan phan cang lai. Cucu 2020 thimh nak ah mipi nih i thimh ding kha asi. Izipt, Babilon le Siria uktu le an lalang pawl maw na thimh hna lai? Mah miphun party le minung dah? Kawl party le an palai na thimh ko hna ahcun Federal in kal na duh lo kha atak in na langh ter ni asi ve. Kawl nih ukhruai zungzal nak le nawl ngeih zungzal nak ngawl ter na duh ahcun Meithal puak le cantiang i ken a hau loh. Na kut kan samh law Miphun party kha. Hi lawng hi lam aum cang. Lam zong hi abit te lawng a awng mi asi caah lut thiam a herh ngai ngai.

Kawl Party le Chin mi an ai-awh tumkheng hna nih an phit len lai caah biatak tein na mit i hnuai law zoh ta hrim hrim aherh. Ngarawl in Chinram mifim bik le thil ti kho bik hna kha an hmang hnalai caah i ralrin ngai ngai a hau. Mah miphun Party vote nakin Mah tein khuakhan lairel nak lei ah, Krifa biak nak zalon nak le Pathian thawngtha lei ah, Miphun vial te tlukruan nak lei ah, Remh deih nak lei ah, Sipuazi le thancho nak lei ah Fimthiam chin chin nak le ngandam chin chin nak lei ah, panh ve cang hna sih, tiah dawt nak le zawnruah nak he kan sawm hna, Ka miphun le Ka Unau Laitlai hna!

Kan hawi tlangcung miphun le an ralkap vial te nih Mah miphun party tanh pi le vote nak in Federal hram thawk thlang seh tiah an au pi cio cang hna. Chin mi cheu khat le Sailai Cheu khat hna belte an zuangzam nak nih alemh cang hna i an ler thluahmah ko. Nain Lairam le miphun a leih tu an si te lai. Federal ka duh lo ati poah nih kawl party vote u sih law, Federal hram thawk cang a ti tu poah nih miphun party vote u sih.

Kawl party tham cu mee na pek lo zong ah an sung kho lo. Miphunparty cu Chinram le miphun dawtu mipi nih mee pek ve lo ahcun tei cu chimh hlah, thlankhur ah na phum asi ko. Kawl Party nih an herh bik mi na si lo kha. Miphun Party cun nang locun kan tlei kho lo hrim hrim. Na theih ko mi cu!!! Na theih ko cu ta. A minung nan kan duh lo hman ah CHIMRAM , Chin miphun le Krifa Dawt nak lungput le Thlachiat ruah nak miphun Party mee kan pe ko dawh hram uh!!!

ဖွဲ့စည်းပုံအခြေခံဥပဒေပြင်ဆင်ရေးနှင့်ပတ်သက်ပြီး ကရင်နီအမျိုးသားတိုးတက်ရေးပါတီ(KNPP)ဆက်ဆံရေးရုံးချုပ်(လွိုင်ကော်)တာဝန်ခံ ခူမီရယ်၏အမြင် ဖြစ်ပါသည်။. ၂ဝဝ၈ စာအုပ်ထဲက အချက်တွေပဲကြည့်ပြီး စာသားပြန်ပြင်တာလောက်ပဲ မဖြစ်စေချင်ဘူး အင်တာဗျူး – ဇူးဇူး ရိုက်ကူး/တည်းဖြတ် – ကျော်သူရ RWConstitutionTABCo ခြေဥပြင်ဆင်ရေး ပထမနေ့မှာ ပြင်ဆင်ရန် မဲခွဲသည့် ပုဒ်မ၊ပုဒ်မ ခွဲ ၁၄ ခု နက်“အိုမင်းမစွမ်း”စာသားနေရာတွင် “သက်ကြီးရွယ်အို” အစားထိုးခြင်း၊ “မသန်မစွမ်း”စာသားနေရာတွင် “မသန်စွမ်း”အစားထိုးခြင်းစသည့် ပုဒ်မ ၃၂(က) နှင့် ပုဒ်မ ၃၂(ခ) တို့သာ ပြင်ဆင်နိုင်ခဲ့ပါတယ်။ ပုဒ်မ ၃၂(က)ကို မဲခွဲဆုံးဖြတ်ရမှာ‌တော့ ထောက်ခံမဲ ၅၈၄ မဲ ၊ ပုဒ်မ ၃၂(ခ) မဲခွဲဆုံးဖြတ်ရာမှာ‌တော့ ထောက်ခံမဲ ၅၈၆ မဲ ရရှိခဲ့ပါတယ်။. Recdit: Saya Lung Kaw hmehpiak law video um lai.