Ṭihnung Chin Lengmang Laimi Chungkhar Hna Tlaihmi An Um Cang Cun Chin Ralzaam Harsatnak Kan Tong Cuahmah Cang Rak I Ral Cio Uh Nan Hawile A Thei Rih Lomi Sinah Share Cio Uh

Chin News

Australia ummi Sang Hre nih a ṭialmi hi Chinmi nih kan i theih hrimhrim aherhmi a si. FB i cahmai tarmi ruangah le ID Card tibantuk ruangah Australia kawh auhnak a tuahmi Chinmi harsatnak tongmi an tam pah cang. Chinmi Ralzaam caah lam a pit chin lengmang cang. Hmaizarh ah Smith Senate nih Parliament ah Chin miphun kan caah biachimnak zong a ngeih lai caah thlacamnak in bawm cio hna u sih. Sang Hre nih a ṭialmi rak rel law share ve hrimhrim.

Kan Chin Miphun Nih Ralrin Taktak Kan Herh Chin lengmang Cang. Kan unau kan kawh auhnak hna hi a dihdongh tiang ca in ruah a hau. Rammi sinak kan sok bak in kan social media (Facebook) Lai mi nih kan hman bik mi hi fak tuk in kan Cozah nih an zoh i an kherhhlai cang. Minung tampi Laica tein innchungkhar kong a tialmi zong hmuh le tleih an si cang.

Ralrin ahermi: 1. Zung na rak luhnak na nu le pa silo unau sinak he ai peihtlai lo mi kha FB cungah peihtleihnak langhter hrimhrim hlah.

2. Na Facebook kha zeiti min in na hman zong ah na hmantlak he an zohti tikah an in thei hrimhrim lai. Cucaah, Laica tein ka tial ko ti hrimhrim hlah. Ralrin te tuin um peng a hau.

3. Mi kawh auhnak ah na sining in ithei peng. Hnuhmai ruat buin mi auhnak zong hi tuah uh.

4. Rammi sinak a la cangmi zong hna ngam tuk in um ding a si lo. Na unau a visa an thihter ahcun nangmah rammi sinak zong a him ve lo.

5. Na FB account ah na unau min taarmi siseh, a nu le pa a thihter mi hna zong nih na nu le pa kong langhter hrimhrim ti hlah. Tha tein zoh uh law check cikcek dih colh uh. Hloh awk a tha mi cu hloh colh uh.

Note: Kan miphun kan him ti lo. Kan dihlak in fakpi in lungfim kan hau. Ralrin zong kan herh chin lengmang cang. Nan Community cio zong ah fak piin rak chim cio hna uh. Credit: Sang Hre, Melbourne

Leave a Reply