Ṭihnung Chin Lengmang: Iran Nih Coronaviru Ruangah Thongtlami Minung 54000 Renglo An Luatter Hna Lai

Thawngpang

Atu lio zawtnak ṭihnung Coronavirus Iran ram i a karh chin lengmang ca ah Iran ram i thongtlami minung 54000 renglo cu chuah dingin biakhiahpiak an si tiah theih a si. Thongtlami hna hi chuah an si hlanah Coronavirus a ngei maw ngei lo, timi checknak an tuah hna lai i a ngei lomi cu chuah an si lai i a ngeimi cu zohkhenhle thlawpbul an si hna lai. Cun a ngei lomi zong chuahter an si hlan ah biakam ṭha tein an ngeih ter hna lai. Thongtla an chuah hna lai dingmi hna cu zeican tiang dah an chuah hna lai timi an langhter lo. Cun kum 5 chung thongthlak dingin biakhiahpiakmi hna cu chuah an si ve lai lo.

Iran ram i thongtlami hna lakah British nu pakhat Nazanin timi nu cu kum 5 chung thongtla dingin hrenmi a si. Thong a tlaknak aruang hi Iran mi harsa reitheimi a bawmhnak ruangah thongtlami a si i chuah ve dingin nawlnak an tuahpiak ti a si. British miphun hna nih an miphun a simi Nazanin cu chuahpiak ve dingin nawlnak an tuah bangin chuah a si ve lai. Asinain a pasal nih Covid-19 a ngei maw ngei lo timi ka zohpiak hmasat uh tiah nawlnak a tuah ṭhan i a pasal nawlnak a tuah bangin chuah a si hlanah checknak an ngeih hmasat ve lai.

Tuzing March 5, 2020 i thawngzamhtu hna nih an langhterning ah cun Coronavirus a ngeimi hi minung 94,752 an si i a thimi hi minung 3,249 an thi cang ti a si. China ah a thimi hi 2,981 an thi ve cang i, Italy ah a thimi hi 107 an tling cang i Iran ah a thimi hi 92 an tling ve cang cang. Cun South Korea ah a thimi hi 35 an tling ve cang i US ah mi 18 an tling ve cang tiah an langhterning a si. Ref: CNN

Leave a Reply