Ṭihnung A Nung Taktak April Thla Ah Kan Vawleipi Caan A Dongh Kho Men Hih

Thawngpang

Atulio kan vawlei sining cuanh tikah thawngpang ṭha nakin thawngchia chia a tam deuh. Tutan zong kan van chiat sual ahcun April thla a dih ah vawleicung minung zapi kan thi dih kho ti a si. Coronavirus nak hmanh in ṭih a nung deuhmi thil a si.

NASA thiamsang nih an chimmi cu a vang khan 2 le cheu ( 4 kilometer) tluk a simi lung (Ohka khe)nganpi pakhat cu kan umnak vawleipi lei hoih in a ra cuahmah i cu lungtlangpi cu angan taktak ti a si i vawlei cung mipi vialte a kan thah khawh dih ti a si.

California ah a ummi The Center tor Near Earth Object Studies nih an chimning ahcun cu lung pi cu second pakhat ah 8.7 km ( suimilaam pakhat ah 19461 miles) rang in vawlei lei ah a rak ra/tla an ti. Cu lung pi cu 52768 (1998OR2) tiah min an pekmi a si.

A tu a rat i a ranning cun april thla ni 29, 2020 hrawngah cu lungpi cu vawlei cung ah a naihnak bik hmun a phan lai i cu tikah vawlei thlilak hna ah a rak luh khawh sual ah cun vawlei he aa su lai i vawleipi a hrawh lai i vawlei cung mipi kan thi dih kho ti a si. Hi thil a tlung lai lo ti khawh a si hrimhrim lo. Vawlei cung thiamsang hna nih an kan vawleipi sining cuanh in an chimmi a si i a si hrimhrim lai tinak theng a si lo nain a cang khomi dirhmun a dir deuhtu a si. Credit: Express.co.uk  Mirang a rel khomi nih rel khawh a si.

Leave a Reply