Energy Drink a ding ve lengmangmi na si ahcun rak i sum law rak i ralring ve cang. Ngandamnak caah ṭihnung taktak mi a si tiah mifim thiam hna nih an phuannak an ngeih. California ah pakhat a min timi John Reynold kum (49) pa cu a zaan rian a ṭuanmi a si i zaan i a mitkuh lonak caah tiin Energy Drink a ding tawn. Amah hi fa 3 ngei cangmi a si i a nupi nu min hi Cassondra Reynolds ti a si i kum 10 leng an i um cang.

Motor sernak hmunpi ah rianṭuanmi a si i niakhat cu John Reynolds a ih lioah a thaw a phih i a nupi nih a raannak in Emergency Services a auh hna i sizung ah an tlikpi colh. Sibawite nih ṭha tein an zohfel hnuah a nupi cu auh in thil sining an hal. Zu, siivai tibantuk a tawngmi a si maw? a ngandamnak dah a ṭha ko lo maw? Zeipawl dah a ei tawnmi a si tiah biahalnak an tuah.

Reynolds nih cun ” Zu le siivai a tawngmi a si lo, patling taktak a si i a ngandamnak zong aṭha ko” tiah sibawite cu lehnaka tuah hna. Cutikah siibawi hna nih cun Energy Drink hna teh a ding bal maw? tiah an hal ṭhan i ” Aw, zaan rianṭuan a si ruangah zaan i ṭhutkhawhnak ding caah tin a ding tawn” tiah a ti hna. Energy a ṭhat lonak kong sibawite nih a nupi cu an chimh colh.

A pasal John Reynolds cu Energy a rak din lengmang nih a taksa a hrawh dih i atu bantukin a nunnak a liam hi a si. Cassondra Reynolhs nih a pasal nunnak lakpiaktu Energy Drink cu a doh i US ramchung ah zuar ti lo dingin tlang a au. Energy Drink din tuk ruangah mino tampi an nunnak a liam cang tiah theih a si fawn.