Ṭih A Nung Chin Lengmang Coronavirus A Damh Khawh Tiah An Ruah Caah Minung 27 Leng Nunnak A Liam Cang Hih Rak Tuah Ve Hrimhrim Hlah!
Atulio zawtnak a karh cuahmahmi Coronavirus i kilvennak caah zu aṭha tiah Social Media nih an tar hnuah Iran ah Coronavirus chungin i vennak caah tiah zu an din tuk ruangah minung 27 nunnak a liam cang tiah theih a si. Coronavirus hi Tuluk Scientist hna nih an chimning hna ah cun a khamhnak sii hmuh a si hmanh ah amah i aa thleng lengmang kho tiah an chim.
Iran i Coronavirus i vennak ah tiah zu din ruangah a thimi minung 27 hna lakah minung 22 hna hi Iran ramkulh Khuzestan khua ah a ummi an hna ti asi. Cun a dang minung 5 hna hi Iran, Alborz khua ah a ummi an si hna ti a si. An dinmi zu hi Cozah nih zuar an sian lomi zu a si i tamtuk an din caah a taksa nih tuar kho loin atu bantukin an nunnak a liam hi a si tiah an chim.
Iran ramchung ah zu zuar hi khap a si. Asinain Muslim minung cheukhat hna caah cun khap a si ve lo. Khuzestan i Jundishapur Medical University thawngthanhtu nih a chimning hna ah cun Iran ramchung ah zu din ruangah sizungah minung 218 hrawng hi an chiah hna mi le an thlopbulmi hna an um tiah a chim. Alborz Deputy Prosecutor Mohammad Aghayari nih a chim vemi cu “A thimi hna Cozah nih a sian lo buin phungning loin zu an zuarmi an din ruangah a si i, hi zu a dingmi hna hi thawngzamhtu hna hi atulio zawtnak Coronavirus chungin i vennak ah zu din aṭha bik, an ti hnuah kan damnak ca’h i a ṭhat ko ahcun tiin an taksa tiang nih tuar kho loin an din ruangah a thimi an si” tiah a chim.
Zu (Methanol) hi din tuk i minung taksa pumchungah a luh tamtuk ahcun mitcawt, thin-car rawhnak a hnuah cun thihnak tiang a chuahpi khotu zu a si. Iran ah hin Coronavirus zawtnak hrik a ngeimi hi minung 7,161 an um cang i, a thimi hi minung 237 an um tiah theih a si.